Курс валют
$
52.97
0.39
55.89
0.16
Курс валют
Курс валют
$
52.97
0.39
55.89
0.16
Меню
Поиск по сайту

Үөһээ Дьааҥыга үс нэһилиэк 100% киин ититэр ситимҥэ холбонуоҕа

21.06.2022 (2 недели назад) 00:47 0
Үөһээ Дьааҥыга үс нэһилиэк 100% киин ититэр ситимҥэ холбонуоҕа

Үөһээ Дьааҥы улууһун Дулҕалаах нэһилиэгэр олохтоох биригээдэ тутааччылара “Маяк” түөлбэ ыалларын киин ититиигэ холбуу сылдьаллар. “Маяк” түөлбэ 20-ччэ ыалын быйыл күһүн киин ититиигэ киллэрдэхтэринэ, Дулгалаахха 100% киин ититиигэ холбооһун бырайыага түмүктэниэхтээх.

Ититии ситимин тардар биригээдэни нэһилиэк биир тутаах урбаанньыта Владимир Сыромятников салайар. Биригээдэ үлэһиттэрэ Владимир Старостин, Иосиф Старостин, Николай Лебедев, Иосиф Слепцов, Олег Слиж былырыын сайын Дулҕалаах “Хаспах” түөлбэтин ыалларын хаачыстыбалаахтык киин ититии ситимигэр холбоон, дьон-сэргэ махталын ылбыттара. Уопуттаах биригээдэ быйылгы үлэлэрин-соруктарын, километр курдук усталаах теплотрасса сүрүн ситимин окко киириэх иннинэ тардан бүтэрэн, болдьохтоох кэмҥэ, балаҕан ыйыгар ыаллары холбоон, үлэ түмүгүн ОДьКХ ГУТ  хамыыһыйатыгар туттарыахпыт диэн эрэллээхтэр.

Үөһээ Дьааҥы улууһун баһылыга Гаврил Чириков бу сайын үс нэһилиэккэ – Дулҕалаахха, Сартаҥҥа, Арыылаахха киин ититиигэ 100% холбооһун программата түмүктэниэхтээх диэн этэр. Бу программа Ил дархан А. С. Николаев тус сорудаҕын быһыытынан ОДьКХ ГУТ, улуус уонна нэһилиэктэр дьаһалталарын сүрүн соруга  диэн улуус баһылыга Гаврил Чириков тоһоҕолоон бэлиэтиир.

***

Владислав КРИВОШАПКИН,

Үөһээ Дьааҥы улууһун Мунньагын депутата

Оставить комментарий