- Арктика кытылыгар, Дьааҥы эҥээригэр, Халыма-Индигиир улуустарыгар, хотугулуу-арҕаа уонна Өлүөнэ өрүс аллараа тардыытынан кыралаан, сорох сирдэринэн орто күүстээх ардах түһүөҕэ. Оттон хоту байҕал кытылыгар, хайаларга хаардаах ардах түһэрэ күүтүллэр. Соҕуруу улуустарга быстах ардахтар түһүөхтэрэ.
- Тыал күүһэ орто буолуоҕа. Ол эрээри Арктика кытылыгар уонна Кэбээйи улууһугар тыал түргэнэ сөкүүндэҕэ 16-21 миэтэрэҕэ диэри күүһүрүөн сөп.
- Салгын температурата түүнүн +2+7° кыраадыс сылаас буолуоҕа. Хотугу улуустарга уонна Бүлүү бөлөх улуустарыгар халлаан халыннаҕына 0, -3° кыраадыска диэри тымныйыаҕа, тоҥоруу түһэрэ күүтүллэр. Күнүһүн +12+17°, арҕаа улуустарга +17+22°, хотугулуу-илиҥҥи уонна хотугу сирдэринэн +4+9°, оттон Арктика кытылыгар -1, +4° кыраадыс буолуоҕа.
Дьокуускай куоракка сүнньүнэн сөҥүүтэ суох күн буолара күүтүллэр. Хотугулуу-арҕааттан сөкүүндэҕэ 4-9 миэтэрэ түргэннээх тыал үрүөҕэ, тыал күүһүрэр кэмигэр 9-14 м/с диэри тиийиэҕэ. Салгын температурата түүнүн +4+6°, күнүһүн +14+16° сылаас буолуоҕа.
***
Ааптар: Василий Прокопьев
Хаартыска: https://www.magnific.com
Оставить комментарий