Синоптиктар билгэлэринэн, өрөспүүбүлүкэ арҕаа, соҕуруу, хоту өттүгэр уонна Өлүөнэ өрүс алын тардыытынан кыралаан, сорох сиринэн орто хаар түһэрэ күүтүллэр.
Ону тэҥэ, тыал орто күүстээх буолуоҕа, сорох сиринэн сөкүүндэҕэ 9–14 миэтэрэҕэ тиийиэҕэ. Оттон Арктика кытылынан тыал олус күүһүрэн сөкүүндэҕэ 19–24 миэтэрэҕэ, күнүһүн муора арыыларыгар 25–30 миэтэрэҕэ тиийэ тыалырыа, күүстээх буурҕа түһүөҕэ.
Салгын температурата:
- Түүнүн: Үгүс сирдэринэн -10…-15°, былыта суох, ардыгар -15…-20° тымныы буолуоҕа. Арҕаа улуустарга хаардаатаҕына -2…-7°, оттон хотугулуу-илиҥҥи хайаларга түүн -23…-28° кыраадыска диэри тымныйыа.
- Күнүһүн салгын температурата 0…-5° көрдөрүөҕэ. Соҕуруулуу-арҕаа уонна арҕаа улуустарга +1…+6° сылыйара күүтүллэр. Хотугулуу-илиҥҥи улуустарга -3…-8°, онтон намыһах сирдэринэн -8…-13° тымныы буолара сабаҕаланар.
Дьокуускай куоракка алтынньы 15 күнүгэр сөҥүү түһэрэ күүтүллүбэт. Хотуттан сөкүүндэҕэ 2–5 миэтэрэ түргэннээх тыал үрүөҕэ. Түүнүн -10…-12° тымныы, оттон күнүһүн -1…-3° кыраадыс буолуоҕа.
Оставить комментарий