Владимир Поскачин: Билиҥҥи былаас куттас
Сахалар туругуруҥ! Бүгүн телеграмм канал арыйдым. Бу күннэргэ быыбарга турар үһүгүн диэн, өйүүбүт диэн элбэх киһиттэн төлөпүөнүнэн да, көрсөн да этии бөҕө буолла.
Хайҕанар диэн дьол буоллаҕа дии. Дьон-сэргэ билиҥҥи үлэбин кэрэхсээбитэ ханнык баҕарар киһиэхэ санаатыгар санаа эбэр, күүһүгэр күүс эбэр. Ол гынан баран биһиги демократическай судаарыстыбабытыгар Ил Дархан быыбарыгар Кремльтан көҥүлэ суох кыттар кыах суох эбит. Хайаан даҕаны партия эрэ туруордаҕына эрэ киирсэр эбиккин, урут бэйэни туруоруу диэн баар этэ,(самовыдвижение) билигин ол суох буолбут.
Аны муниципальнай фильтр диэни ааһыахтааххын, ол аата 27-тэн итэҕэһэ суох улуус, куорат депутаттара нотариус нөҥүө бигэргэтиллибит илии баттааһыннара баар буолуохтаах эбит. Сиэрдээх Арассыыйа партияҕа ону ааһар кыах баар, улуус аайы депутаттардаахтар, ол иһин.
Ону баара биир да киһини туруорбата. Миигин туруораллара саарбах этэ, Попов диэн урукку Ньурба баһылыга бүгүн, сарсын быһаарсыахпыт, ыҥырыахпыт, Тумусов көрсүөҕэ иҥин диэн баран сүппүтэ. Онтон Нюкурданов Михаилы туруораллар диэни истэн үөрбүтүм, хата кинини өйүөҕүм диэбитим кими да туруорбатылар. Ноль партия эбит эмиэ.
Ити Айсены кытта турбут Губаревка уонна Парахиҥҥа ЕР-дар бэйэлэрэ хомуйан биэрдилэр. Мин биир чахчыны билэбин, уонча күн анараа өттүгэр нотариус тиэйиилээх анал сөмөлүөт Анаабыр улууһуттан баран биир да депутаты ордорбокко, барыларыттан илии баттааһынын хомуйан барбыттара.
Билиҥҥи былаас оннук куттанар, конкуренцияттан. Чиэһинэй быыбартан куттаналлара чуолкай, ордук Айсен. Үйэтигэр биир да дьиҥнээх киирсиини ааспатах, чэҥкир “чээ” оҕо буола сылдьыбыт киһи буоллаҕа.
Билигин быыбара суох быыбардыырга күһэлиннибит.
Политическай олох Арассыыйаҕа саҥа саҕаланан эрэр. Онон мин Ил Түмэн депутатыгар бэйэм кандидатурабын туруорунан эрэбин. Үөһээ Бүлүү-Горнай быыбардыыр уокуруктан. Бары Үөһээ Бүлүүлэри уонна Горнайдары мин кандидатурабын өйүөхтэрэ диэн эрэлим улахан.
Мин 9 сыл бастакы уонна иккис Ил Түмэҥҥэ депутааттаабыт, 18 сыл муниципальнай тэриллиини салайбыт билиим-көрүүм, быһаччы норуот кыһалҕатын күн аайы быһаарса сылдьыбыт уопутум депутат быһыытынан туруорсарбар, модьуйарбар, тыа сирин олохтоохторун сокуон өттүнэн көмүскүүрбэр санаабар кыах биэрэр.
Онон бу канал нөҥүө бэйэм тус санааларбын дьоҥҥо-сэргэҕэ тиэрдэбин.
***
Ытыктабылы кытта Үөһээ Бүлүү улуус баһылыга Поскачин Владимир Семенович
Үөһээ бүлүүлэр итинник күлэллэр диэн турардаах, илин эҥэр оҕото😅
Хата биир нормальнай киси баар эбит ди, маладьыас, единай Россия сиэтэ россияны
Ситинник тугу этэ оҥоро сатыыр киһини өйүөххэ эрэ наада,билигин олорор тойоттор тыллара эрэ,дьыалатыгар тиийдэххэ туохтара да суох,бэйэлэрин эрэ интэриэстэригэр сылдьаллар.
Пригожин, Поскачин…))
Кимиэхэ да эрэл суох.Бу айдаан кэмигэр центртан киьи ыытан олортоххо.Урукку депутаттар бары 10-20 сылы быьа олорон улугурбут дьон.Аны сууттаммыт дьон ицин.Туох да туьа суох.Барыларын солбуйан саца дьону талыц.Барыта киксии быыбар.Миэстэлэригэр хаалары.Бэйэ бэйэни хахалаан.
кыра оҕо курдук наивнай баҕайы санаалаах дьонтон киһи сонньуйар эрэ. Баскачыын талылыннаҕына да эһиги баҕарбыккыт курдук буолбат. Сво -ну тохтоппот, кэлии омуктары эмиэ тохтоппот. Тоҕо диэтэххэ итини судаарыстыба эрэ сүрүннүүр кыахтаах, Баскачыын буолбатах. Сво-ҕа сахалары ыыппаппын диэтэҕинэ сразу уһулаллар кинини. Кэлии омуктары манна киллэрбэппин диэтэҕинэ эмиэ сонно үүрүллэр миэстэтиттэн, эбиитин националист аатырыа өссө уголовнай дьыала тэрийбэтэхтэринэ баһыыба буолуоҕа. Ил Дархан, хайдах да бэйэтэ билэринэн Москваттан туспа самостоятельнай бэлиитикэни ыытар кыаҕа суох. Мээнэ үлүбээй дьону олордубаттар.
Ким кинини тал диэтэ.Атын дьон элбэх.Сууттамматах уорбатах сиэмэ5э суохтар.Ити кини уонна Тумусов дьон ойун иирдэн араас буолан.Тоттору бэйэлэрин туьэн биэрдилэр.Атын партия дьоно элбэх таларга.
Эн тал диигин ди
впереди нас ждет политтурбулентность во всём, занять все выгодные позиции задача изрядно потрепанной ничегоделанием вилюйского легиона, напоминает психическую атаку белогвардейцев загнанных в тупик,
ойууу-айааааа ахахахах))))))!!как таких носит земля и такая безответственность!давай один на один махнемся…!
Тыа сиригэр олорор дьонтон элбэх киһи өйүүрэ буолуо,этэрин толкуйун сэҥээрэллэр,кыайдаҕына сахаларга элбэх кэрэхсэбиллээх туруорсууну оҥоруо этэ.
Дьэ туох буолан иһэр.Саҥатын кыайан истибэпин.Хайдах буолара буолла өскө турдаҕына.