Уус-Алдан улууһун 1-кы Хороҕо мааскалары тигэлллэр
Аан дойдуга бүрүүкээбит хара дьай (коронавирус) сахабыт сирин хабан тиийэн кэллэ. Бу дьай элбэх киһини аймаан эрэр, ол курдук бу дьайбыт күүскэ тарҕамматын курдук дьаһалы сахабыт сирин бары улуустарыгар олохтоох салалталар ылынан эрэллэр, оннук дьаһалы Уус-Алдан улууһун 1-кы Хоро дьаһалтата олохтоох тэрилтэлэригэр дьаһайбытын түмүгэр билиҥҥи кэмнэ саамай наадалаах, биһиги улууспут аптекаларыгар суох буолбут дьантан харыстанар мааскалары тигэн эрэллэр.
Дьаһалта солбуйар баһылыга Виталий Гуляев:
“Чараҥнаа5ы “Кэрэчээн” о5о уhуйаанын коллектива 100 шт уонна Кулантай аатынан литература музейын коллектива 27 шт. вируhу утары дьантан харыстанар, элбэхтэ кэтиллэр мааскалары тигэн олохтоох дьаhалта5а туттарда. Мааскалары нэhилиэкпит а5а саастаах уонна доруобуйаларынан хааччахтаах дьоммутугар волонтердар туҥэтиэхтэрэ”.
Ити курдук эрдэттэн сэрэнэр дьаһаллары ыллахпытына, биһиги норуоппут аан дойдуну аймаабыт хара дьаны бэлэмнээх көрсуөхпут диэн бук эрэнэргэ тиийиллэр.
***
Аркадий Охлопков Чаран олохтооҕо,
«Аартыкка» анаан
б. 28.03.2020
б. 28.03.2020
Не пропустите
Шиномонтаж Левша
Cтоматология 32
Оставить комментарий