Курс валют
$
74
0.36
89.62
0.31
Курс валют
Курс валют
$
74
0.36
89.62
0.31
Меню
Поиск по сайту

“ТУЙМААДА АГРОХОЛДИНГ” ТҮРГЭННИК СИТЭР САЛААНЫ САЙЫННАРЫЫГА КИМИИЛЭЭХТИК ЫЛСАР

27.02.2021 19:41 4
“ТУЙМААДА АГРОХОЛДИНГ” ТҮРГЭННИК СИТЭР САЛААНЫ САЙЫННАРЫЫГА КИМИИЛЭЭХТИК ЫЛСАР

“Туймаада Агрохолдинг” тэриллиэҕиттэн түргэнник ситэр салааҕа киирэр дьиэ кыылын нэһилиэнньэҕэ тарҕатыынан күүскэ ылсан барбыта. Ол курдук ааспыт сыллаахха араас улуустарга улаатыннарыыга диэн 287 ыччат сүөһүнү, 2000-н тахса сибиинньэ оҕотун ииттэллэригэр, 375 сибиинньэни улаатыннарыыга биэрбиттэр. Итини таһынан Нерюнгри көтөрү иитэр фабрикаттан 2000 бройлер кууруссалары уонна 12000 кэриҥэ сымыыттыыр кууруссаны нэһилиэнньэҕэ иитэллэригэр анаан атыылаабыттар.


Быйылгы сылга үктэнэн баран агрохолдинг бу хайысханы сайыннарыыга тэрээһиннээхтик ылсан эрэр. Ол курдук олунньу ый саҥатыгар Мииринэй оройуонун Ботуобуйа нэһилиэгин олохтоохторун кытта интернет нөҥүө мунньах тэрийэн дьаһалта уонна нэһилиэнньэ сэҥээриитэ улаатта. Онтон соторутааҕыта “Туймаада Агрохолдинг” “Өлүөхүмэ улууһа” муниципальнай тэриллии бэрэстэбиитэллэрэ кыттыылаах түргэнник ситэр салааны оройуоҥҥа сайыннарыы туһунан сүбэ мунньах буолла.

Бу мунньахха “Туймаада Агрохолдинг” генеральнай директора Ефремов П.С., кини солбуйааччыта Гуляев А.А., специалистар уонна “Өлүөхүмэ улууһа” муниципальнай тэриллии баһылыга Харбин Н.Н., улуус тыатын хаһаайыстыбатын салаатын салайааччы Чердонова Ф.В., “Кладовая Олекмы” ХЭТ директора Сафонов В.В. кыттыыны ылан бэйэлэрин санааларын эттилэр. Манна ааспыт сыллаахха саҥа үлэ миэстэтин тэрийиигэ бииргэ үлэлээһин үчүгэй түмүктэри биэрбитин бэлиэтээтилэр.

Ол курдук 1-кы Нөөрүктээйигэ ыччат сүөһүнү иитиигэ нэһилиэк дьаһалтата

баар хотону уларсан онно үлэ миэстэтэ тахсыбыт, нэһилиэнньэттэн үүтү тутууга үлэ өссө күүһүрбүт. 2020 сыллаахха нэһилиэнньэҕэ 37 племенной сүөһү атыыламмыт. Бу сылга оройуоҥҥа түргэнник ситэр салааны сайыннарар сыалтан сибиинньэ оҕотун, сымыыттыыр кууруссаны аҕалан уонна ньирэйи атыылааһыны тэрийиигэ, ону таһынан туспа сөбүлэҥ быһыытынан улаатыннарыыга ыччат сүөһүнү уонна сибиинньэ оҕотун биэрэргэ кэпсэтии ыытылынна. Ол түмүгүнэн түргэнник ситэр салаа, кини нэһилиэнньэ ортотугар дьарыктаах буолууну тэрийиигэ уонна нэһилиэнньэни олохтоох тыа хаһаайыстыбатын бородууксуйатынан хааччыйыыга суолтатын туһунан нэһилиэнньэ ортотугар сырдатыы , быһаарыы үлэтин ыытар буоллулар, балаҕан ыйыгар “Кладовая Олекмы” ХЭТ убойнай сыаҕы туттаран үлэҕэ киллэриэхтээх, оройуоннааҕы тыа хаһаайыстыбатын салаата нэһилиэнньэттэн куурусса, сибиинньэ оҕотун, ньирэйи ылыан баҕалаахтар сайаапкаларын хомуйууну тэрийиэхтээх. Түмүккэ Туймаада Агрохолдинг генеральнай директора Ефремов П.С. уонна “Өлүөхүмэ улууһа” муниципальнай тэриллии баһылыга Харбин Н.Н. бииргэ үлэлээһин туьунан докумуоҥҥа илии баттастылар.

***

Прокопий ХАБАРОВ

Обсуждение • 4

Добавить комментарий
  1. ПАВЛИНА

    Акаары киһи аска топпот диэн өс хоһооно өтөн киириитэ кырдьыга бэрдиттэн эбэтэр сүөһү туһугар дьон баарын курдук политикалаах буолан дуу, инньэ сэбиэскэй саҕаттан куоталаһа-куоталаһа, дояркаларбыт оҕолоохторо оҕолорун күкүргэ соһо сылдьыахтарыттан, сороҕо үксэ дьиэ-уот тэринэр быыс-арыт булбакка сүөһү үлэтигэр сөрүөхтэриттэн эт-үүт бөҕөтүн оҥоробут да, ханна барара арай биллибэт, тойон дьоммут ытын аһатар дуу эбэтэр бэйэтин ыт аппатыыта уһуктар дуу? Ким миигин оҕо сааспыттан бүгүҥҥэ дылы баттыыр ыйытыкпар хоруй ыытан хостоон ылан абырыай?

  2. бо

    Павлина. тугу, тугу суруйдуц? Поток сознания.

  3. Тоҕо саатар миэхэ эрэ поток со

    Бүгүн да тыабыт үлэһит дьоно эргэрбит наскытын эргитэн кэтэр, бэтэринээр бүппэт поборун киинэ аайы күлүү гынан көрдөрөллөр, онуоха биһигини буолбакка ый дьонун олоҕун ойуулуулларын курдук айахпытын ата-ата күлүү бөҕө.

    • Эҥин дьикти.

      Аһара элбэх аска, таҥаска күөлэһийэр тойотторбут үлэлиир сирдэринэн ааһан истэхтэринэ 150 млн. солкуобай, повар илиитигэр ас биһиллэрин курдук, барбах биһиллэн түбүк бөҕөтүгэр түһэрэр. Хайыахтарай, ону ылар ыарахан да буоллар, эмиэ да сөп курдук, повар илиитин маска соттубат диэн эмиэ баар.

Оставить комментарий    

Россельхозбанк
АЯМ