Тохсунньу 3 күнүгэр- туох күнэ бэлиэтэнэрий?

Үүммүт саҥа сылынан! Бүгүн, тохсунньу 3 күнүгэр Арассыыйаҕа салаасканан хатааһылыыр күн бэлиэтэнэр эбит. Былыр Русь саҕана кыһыҥҥы бырааһынньыктар күннэрин өрө көтөҕүллүүлээхтик, үөрэн-көтөн, таһырдьа элбэхтик оонньоон-көрүлээн атаараллара. Ол да иһин буолуо, нуучча норуота тохсунньу 3 күнүн салаасканан хатаһылыыр күн диэн ааттаабыттар. Бу күн таһырдьа тахсан ырыа-тойук, көр-нар аргыстаах сыыртан салаасканан сырылыыллара эбит. Онтон аан дойдуга- коктейль трубкатын күнэ бэлиэтэнэр. Бу күн 1888 с. табах оҥорор фабрика салайааччыта Марвин Стоун кумааҕыттан утах иһэр «соломинка» трубканы патеннаабыт. Анал  станок айыллыар диэри трубка оҥоһуута илии үлэтэ эбит. Ону таһынан, бенгальскай уот, гирлянда уонна  утуйан сынньаныы күнэ бэлиэтэнэр эбит. Онон бу күн элбэхтик утуйан сынньаныҥ диэн сүбэлиибит. Көрдөөх-нардаах дьон салаасканан сырсыакалаһа оонньооҥ.