Биэрэс сырдыкка, сылааска, сииккэ уонна үчүгэй өҥ буорга олус наадыйар. Тэпилииссэҕэ температура помидор киэнинээҕэр 2-3 кыраадыс буолара ордук. 15 кыраадыстан намыһах температураҕа силиһэ сытыйан, сэбирдэхтэрэ, сибэккитин дьөрбөтө түһэн киирэн барар. Онтон 35 кыраадыстан үөһэ температураҕа сибэккилэрэ тохтон түһэллэр, үүнээйи сэбирдэхтэрэ уонна аһа олус итиигэ быһа хаарыйтараллар.
Үүнэр буорун састааба помидор киэнин курдук эрээри, аһын биэрэр кэмигэр азоту (ноһуом суурадаһынынан) аһатары ирдиир. Кыра да курааны тулуйбат, аһын хаачыстыбата буортуйар. 100-150 хонугунан аһа ситэн барар. Биэрэһи буоһата сатаабаттар, хоннохтооботтор.
***
Ааптар: Саха Сирэ
Саха ыалын халандаарыттан, «Айар» («Бичик»), 2007 с.
Хаартыскаҕа Е.Попова түһэриитэ
Оставить комментарий