Олунньу 13 күнэ – төрөөбүт тыл уонна сурук-бичик күнэ

Бүгүн, олунньу 13 күнүгэр, төрөөбүт тыл уонна сурук-бичик күнэ бэлиэтэнэр.

Бырааһынньыгы 1996 сыллаахха СӨ бастакы бэрэсидьиэнэ Михаил Николаев олохтообута.

Бу күн сахалартан бастакы тыл үөрэхтээҕэ Семен Новгородов төрөөбүт күнэ. 1913 сыл ахсынньытыгар кини Бүтүн Россиятааҕы учууталлар съезтэригэр кыттыбыта. Онно аҕыйах ахсааннаах норуоттар оҕолорун төрөөбүт тылларынан үөрэтии уонна саха тылынан үөрэнэр кинигэни таһаарыы туһунан этии киллэрбитэ.

Новгородов суруга-бичигэ норуоттар икки ардыларынааҕы тыл дорҕооннорун анал бэлиэлэринэн чопчу көрдөрөн суруйууга олоҕуран оҥоһуллубута.

Үйэттэн үйэҕэ сайда тур, таптыыр төрөөбүт тылбыт! Дьүрүһүйэр кэрэ, истиҥ дорҕоон буолаҥҥын, сүрэхпитин үөрт, өйбүтүн-санаабытын сааһылаа, олоххо дьулууру күүһүрт! Көлүөнэттэн күлүөнэҕэ бэриллэр баараҕай баай буолаҥҥын, омукпут сайдар суолун кэҥэтэ тур!

***
@nvk_sakha