Курс валют
$
60.45
0.07
61.7
0.15
Курс валют
Курс валют
$
60.45
0.07
61.7
0.15
Меню
Поиск по сайту

ОЛОХТООХ ЭТТЭН-ҮҮТТЭН АҺЫЛЫК ДЭЛЭЙЭРИН ТУҺУГАР

30.07.2022 (2 недели назад) 07:02 1
ОЛОХТООХ ЭТТЭН-ҮҮТТЭН АҺЫЛЫК ДЭЛЭЙЭРИН   ТУҺУГАР

“Туймаада” производственнай комбинат «Туймаада Агрохолдинг» АУо иһинэн  2020 сыллаахха тэриллэн үлэтин саҕалаабыта. Тэрилтэ билиҥҥитэ үс хайысханан үлэлиир. Ол курдук эт, үүт, оҕуруот аһын астаан нэһилиэнньэҕэ атыылыыллар.

Эт бородууксуйатын тэрилтэ хаһан тэриллиэҕиттэн астаан бу сылга ассортименын  150 тириэрдибит. Ынах уонна сылгы этин агрохолдинг иһинэн баар хаһаайыстыбалартан Туймаада Экоферма, Новай сопхуос, Бөртөуонна да атын хаһаайыстыбалартан тута олороллор. Ону таһынан сибиинньэ этин Хатас сибиинньэ иитэр комплексыттан уонна кууруссуттан ылыллар бородууксуйаны Нерюнгритааҕы көтөрү иитэр фабрикаттан тутан астаан-үөллээн атыыга таһаараллар. Манна бэлиэтиэххэ наада комбинат таһаарар бородууксуйата барыта олохтоох хаһаайыстыбалартан тутуллубут эттэн оҥоһуллар буолан экология өттүнэн ыраас, билиҥҥи ирдэбилгэ эппиэттиир.

Комбинат былырыын үүт астыыр оборудование ылан үүт аһын көрүҥүн барытын оҥорор кыахтаммыт.

Оҕуруот аһын астааһын линиятын тэрилтэ эмиэ ааспыт сылга таҥан туруоран үлэлэтэн барбыта. Ол түмүгэр оҕуруот аһын бары көрүҥнэрин астаан-үөллээн хоту улуустарга тиийэ ыытар буолбуттар.

Сыл аҥардааҕы түмүгүнэн нэһилиэнньэҕэ 60 туонна эт аһылык атыыламмыт, үүт аһылыкка сүүстэн тахса туонна араас аһылыгы оҥорон батарбыттар. Оҕуруот аһыгар билиҥҥитэ күһүҥҥү хомуур кэнниттэн соҕотуопкаҕа кэпсэтиилэр ыытыллан астаан батарыыга улуустары, ордук хотугу улуустары кытта сөбүлэһиилэр ыытылла тураллар. Ол курдук быйылгы сылга 150 туонна хортуоппуй, уонна да атын оҕуруот аһа хомуллан астаныахтаах.

Итини таһынан үүт аһылыгын оҥоруу сыл бүтүөр диэри 600 туонна былааннанар. Комбинат сүрүннээн Туймаада Экоферма хаһаайыстыбаларыттан тутан астыыр. Былырыыҥҥыттан Илин Эҥэр маҕаһыыҥҥа, бааһынай ырыынагар уонна Байылыат маҕаһыыныгар үүтү бэйэтинэн атыылаан нэһилиэнньэ сэҥээриитин ылан эрэр.

Эттэн бородууксуйаны оҥорууну сыл бүтүөр диэри 200 туоннаҕа тиэрдии соруга турар. Ол кэпсэтиилэрэ барыта баран чуолкайдааһын үлэтэ ыытылла турар.

Көтөр этин Нерюнгритааҕы көтөрү иитэр фабрикаттан тутан күн аайы 2-2.5 тыһыынча туонна араас бородууксуйа оҥорон таһааран эргиэн тэрилтэлэринэн тарҕата олороллор.

Бу ас көрүҥүн астыырга комбинат билиҥҥитэ толору сэбилэнэн эт, үүт, оҕуруот аһын астаан инникигэ эрэллээхтик көрөн үлэлии олорор.

***
Прокопий ХАБАРОВ

Обсуждение • 1

Добавить комментарий
  1. ЮжЯк

    Промыш.оройуоннарга ас кэлбэт.Атыылаан абыраабаттар.Суол баар тимир суол массыына самолет.Ол да урдунэн тугу да а5албаттар.Арыы эт балык суох.Билигин урукку кэлии дьон баран уксэ улуустар коьон кэлэн олороллор.Хотулар Якутскай илин эцэр дьоно.Эдэр ыччат элбэх.Бэйэ аьа суох.

Оставить комментарий    

Школа-интернат для неслышащих обучающихся
Шиномонтаж Левша

Красивые окна
СахаСтройПлит
Новостройки якт ру
Сахатранснефтегаз
Стоматология 32