Курс валют
$
57.41
1.04
55.41
0.32
Курс валют
Курс валют
$
57.41
1.04
55.41
0.32
Меню
Поиск по сайту

Ньурбатааҕы МТС АГРО салайааччыта Николай АНДРЕЕВ: Тэрилтэбит иэстэн толору төлөрүйдэ

11.06.2022 13:27 2
Ньурбатааҕы МТС АГРО салайааччыта Николай АНДРЕЕВ: Тэрилтэбит иэстэн толору төлөрүйдэ

Соторутааҕыта Олесь Петрович диэн блогер ютуб-каналыгар “Ньурбаҕа ньирэйдэр концентрационнай лааҕырдара” диэн сүрдээх дьулаан видео уһулан уган дьону аймаабыта. Сахалар ыттары төбөлөрүн быһа, эһэни дэлби тэптэрэ сатаан баран, аны дьиэ сүөһүтүн кэбилээн “аатырдыбыт”.

МТС АГРО диэн тэрилтэ салайааччыта Николай Андреев атын блогерга Бэрт Кутка интервью биэрдэ. (“Битва блогеров” биэрии курдук буолаары гынна).

 

Андреев этэринэн, МТС АГРО 2022 сыл ыам ыйыттан эрэ Ньурба улууһун дьаһалтатын бас билиитигэр бэриллибит. Онуоха диэри “Туймаада-Лизинг” хампаанньа бас билиитигэр сылдьыбыт, иэһэ-күүһэ баһаам мунньуллубут.

-Алта тэрилтэҕэ улахан иэскэ баайыллан олорбуппут. Олор Арбитражнай суукка МТС АГРОны моҥкуруот оҥоруохха диэн туруорса сылдьыбыттара, – диэн салайааччы кэпсиир. Ону улуус дьаһалтата уонна Октябрьскай нэһилиэк дьаһалтата көмөлөөн, кредитордары кытары мировой соглашение түһэрсэн уонна тэрилтэни “Туймаада-Лизинг” бас билиититтэн оройуон бас билиитигэр көһөрөргө үлэлэспиттэр.

Бу сааскыттан саҕалаан туох баар иэһи-күүһү барытын саппыттар: “Уокка, хамнаска, нолуокка иэспит барыта сабылынна”.

Тэрилтэ бас билиитин ыллыҥ да судургутук уларытыллыбат, юристар ону өйдүүр буолуохтаахтар, элбэх докумуон толоруллар, процедурата, быраабылата үгүс, онно барытыгар дьыл-хонук баранар.

Николай Иванович этэринэн, айдааннаах “Бэс атах” фермата тымныыта бэрт буолан сүөһүлэр онно кыстаабатахтар. “Дьыалата-куолута, кумааҕыта-докумуона ситтэҕинэ, биһиги баланспытыгар бэрилиннэҕинэ харабыл туруоруохпут”, – диэн кини этэр. Салгыы хотону реконструкциялаан кормовочнай базаҕа кубулутар былааннаахтар эбит.

Ыарахан кыстыгы тахсыбыт сүөһү туруга уонна билигин күөххэ үктэнэн төлөһүйбут хороҕор муостаах туруга чыҥха атын-атын. Блогер Бэрт Кут охтубут ньирэйи, тыын былдьаһа сытар хоргуйбут ньирэйи көрбөтүм диэн видеотыгар кэпсиир. Николай Андреев сүөһү төрүөҕэ 89% диэн этэр. Билигин саҥа толору автоматизированнай хотону туттара сылдьаллар, билигин барыта 20 үлэһиттээхпин диир.

Видеоҕа үүт сыаҕыгар үс уол үлэлии сылдьара көстөр. Уолаттар хамнас кэмигэр төлөнөр, харчыта үчүгэй дэһэллэр. Күҥҥэ 1 туонна үүтү переработкалыыллар эбит: сүөгэй, арыы оҥороллор.

Ханна да буоларын курдук, тыа хаһаайыстыбатынан дьарыктаныы улахан сыралаах, түбүктээх үлэ. Кырдьык, МТС АГРО салайааччыта Николай Иванович Андреев этэрин курдук, үлэһит дьонтон бэйэтиттэн быһаччы тутулуктаах – хаһаайыстыба үүнэрэ-сайдара. “Билигин государство өттүттэн тыа хаһаайыстыбатыгар араас көмө баар, программаларга киирсэн үлэлэһиэххэ наада. Ыччаты үлэҕэ сыһыарарга хотон үлэтин автоматизированнай оҥоруох тустаахпыт. Саҥа хотоммут үлэтэ толору автоматизированнай буолуоҕа, Новосибирскайтан оборудование ыларга кэпсэттибит.  150-ча ыанар ынах тутарга былаанныыбыт “, – диир.

Блогер Бэрт Кут түмүгэр уустук салааҕа үлэлии-хамсыы сылдьар дьоммутун өйүөххэ, куһаҕаны эрэ булан көрө сатыыры тохтотуохха диэн ыҥырар.

***

Прокопий ФЕДОРОВ,

Aartyk.Ru

Обсуждение • 2

Добавить комментарий
  1. Предвыборная PR акция

    ПВС👉ИАИ👉ГОП

  2. Кугдаров

    Олесь блогер маладьыас. Сытыы кириитикэ кымньыытаа5ар куустээх. Билицци кириитикэ уруккулуу, хотон иьигэр хаалбат, дьон киэц арацатын билиитигэр тахсан дьайар кууьэ ессе улаатта. Ол иьин блогер улэтин атахтыы сатыыллар да кырдьык син биир теле кетен тахса туруо.Блогердар охсуьууларын тэрийиэхтээ5эр улэни тупсарбыт кене.

Оставить комментарий