Нижняй Новгородка бүтүн Россиятааҕы култуура спорт “Норуоттар доҕордоһуулара” доруобуйаларынан хааччахтаах дьон бэстибээллэ буола турар

Саха сирин 6 киһилээх хамаандата Бүтүн Россиятааҕы култуура спорт “Норуоттар доҕордоһуулара” доруобуйаларынан хааччахтаах дьон бэстибээллэригэр Нижний Новгород куоракка кытта тиийдэ. Хамаанданы республикатааҕы инбэлииттэр уопсастыбаларын бэрэссэдээтэлэ Ирина Лебедева салайан илдьэ сылдьар.

Бэстибээлгэ Россия 39 регионуттан уопсайа 250-ча киһи кытта кэлбит.

Бэстибээл чэрчитинэн дуобакка, дартска, пауэрлифтиҥҥэ, спортивнай хаамыыга, шаффлборд, джакколо остуол оонньуутугар күрэхтэр, национальнай айар куонкурустар, экскурсиялар буолаллар.

Хамаандабытыгар үрдүк ситиһиилэри баҕарабыт.

***
Ньургуйаана Скрябина