Мэҥэ Хаҥаласка сэрии бэтэрээнэ 100 сааһын бэлиэтиир

Мэҥэ Хаҥалас улууһун ытык-мааны кырдьаҕаһа, оройуон, Хотун Төҥүлү Бочуоттаах олохтооҕо, сэриигэ сылдьыбыт соҕотох хаалбыт бэтэрээн Николай Дмитриевич Черкашин 100 сааһын томточчу туолла.

Кини эдэригэр тырахтарыыс идэтигэр үөрэммит, 1943 сыллаахха бэс ыйыгар аармыйаҕа ыҥырыллыбыт, Усть-Кутунан, Иркутскайынан, Монголиянан сылдьыбыт.

“1941-46сс. Аҕа дойду сэриитигэр дьоһуннаах үлэтин иһин”, “Кыайыы 50 сыла”, “Сэбиэскэй Сойуус маршала Жуков”, “Кыайыы 60 сыла” мэтээллэрдээх, о.д.а. бэлиэлэрдээх, тыыл, үлэ бэтэрээнэ, СӨ Бочуоттаах бэтэрээнэ.

Ытык киһибитигэр чэгиэн доруобуйаны, оҕолорун, сиэннэрин тапталларыгар угуттанан үөрэ-көтө сылдьаргар баҕарабыт.

***

Виктория Белолюбская