Күнүһүн 0…+5 кыраадыс сылаас, халтараан

Алтынньы 9 күнүгэр Саха сирин хотугулуу-илиҥҥи өттүгэр уонна Арктика оройуоннарыгар кыралаан, сорох сирдэринэн сөбүгэр соҕус хаар түһэрэ күүтүллэр. Өрөспүүбүлүкэ атын улуустарынар сөҥүү түспэт. Бу туһунан Дьокуускайдааҕы УГМС иһитиннэрэр. 

Тыала сөбүгэр, сорох сирдэринэн сөкүүндэҕэ 9–14 миэтэрэҕэ диэри күүһүрүөҕэ. Арктика кытылын оройуоннарыгар тыал түүнүн сөкүүндэҕэ 18–23 миэтэрэҕэ, күнүһүн 16–21 миэтэрэҕэ диэри күүһүрүөҕэ, буурҕа түһүөҕэ.

Түүнүн салгын температурата -5…-10 кыраадыс, халлаан халыннаҕына -15…-20, хотугулуу-илин сорох сирдэринэн -20…-25 кыраадыс тымныы буолуоҕа. Күнүһүн 0…+5, соҕуруулуу-арҕаа өттүгэр +3…+8 кыраадыс сылаас, хотугулуу-илин -2…-7 кыраадыс тымныы буолуоҕа. 

Дьокуускай куоракка түүнүн -7…-9 кыраадыс тымныы, күнүһүн +1…+3 кыраадыс сылаас буолара күүтүллэр. Сөҥүү түспэт, суолга халтараан. Арҕааттан сөкүүндэҕэ 3–8 миэтэрэ түргэннээх тыаллаах.

***

Ааптар: Василий Прокопьев

Хаартыска: https://www.magnific.com/ru