Федеральнай сокуон ирдэбилинэн ааспыт сылтан саҕалаан бэтэринээринэй сулууспа дьиэ кыылларын маркировкалыыр үлэни ыытар

Сүөһү, сылгы ахсаанын учуоттуурга уонна сыстыганнаах ыарыы тарҕаныытын хонтуруоллуур сыаллаах федеральнай сокуон олоххо киирэн үлэ барар. Бэтэринээрдэр маркировка үлэтин күүскэ ыытаннар сүөһүнү толору чииптээтилэр, арай көҥүлгэ сылдьар сыспай сиэллээҕи тутан ылан анал микрочиби угуу уустуктардаах.

Электроннай маркировка икки араастаах. Харахха көстөр уонна этигэр-сиинигэр угуллар. Анал сканер көмөтүнэн кыыллар даннайдарын тута көрүөххэ сөп. Манна хаһаайынын аата-суола, хаһан прививканы ылбыта о.д.а. толору информация киирэр. Бу барыта Россельхознадзор “Хорриот” систиэмэтигэр хараллыаҕа.

Тыа хаһаайыстыбатын кыылларын иитиинэн дьарыктанааччылар сорохторо бу хамсааһыны утарсаллар, куттаналлара, дьиксинэллэрэ үгүс. Ол эрээри сокуону тутуһан бэтэринээринэй сулууспа үлэтигэр утары барар наадалаах.

Бу туһунан сылгы иитиитинэн дьарыктанар, Сунтаар нэһилиэгин олохтооҕо Максим Архипов кэпсиир.

***

Aartyk.ru