Этиҥнээх ардах, сорох оройуоннарынан хаар түһэрэ сабаҕаланар

Ол курдук, өрөспүүбүлүкэ киин уонна арҕаа улуустарыгар быстах ардах түһэрэ сабаҕаланар. Күнүс соҕуруу, соҕуруулуу-илин өттүгэр орто кээмэйдээх, оттон хотугулуу-илин сирдэринэн күүстээх ардах, этиҥнээх ардах  түһүөҕэ. Хоту уонна Арктика кытылыгар сорох сирдэринэн инчэҕэй хаар түһүөн сөп. Тыала орто, хоту байҕал кытылан уонна этиҥнээх ардах түһэр кэмигэр тыал күүһэ сөкүүндэҕэ 15-20 миэтэрэҕэ диэри тиийиэҕэ.

Салгын температурата:

• Түүнүн: +13…+18° сылаас, халлаан халыннаҕына +5…+10° сылаас буолуоҕа. Хоту уонна байҕал кытылын диэкинэн түүн -2…+3° диэри тымныйыаҕа.
• Күнүһүн: +18…+23° сылаас, хотугулуу-арҕаа өттүгэр +13…+18°, оттон хайалаах сирдэринэн +5…+10° сылаас буолара сабаҕаланар.

Дьокуускай куоракка  түүнүн +9…+11°, күнүс +17…+19° сылаас буолуоҕа. Түүн саҥатыгар ардах түһүөҕэ, күнүһүн  сөҥүүтэ суох буолара күүтүллэр. Тыала хотугулуу-арҕааттан сөкүүндэҕэ 4-9 миэтэрэ, сорох кэмҥэ 9-14 миэтэрэҕэ диэри күүһүрүөҕэ.