Курс валют
$
90.25
0.06
97.88
Курс валют
Курс валют
$
90.25
0.06
97.88
Меню
Поиск по сайту

Эр хоһуун Василий туһунан кэпсээн

12.05.2024 (2 недели назад) 14:16 1
Эр хоһуун Василий туһунан кэпсээн

Нерюнгри авиапордугар рейс кэтэһэн таһырдьа дьаарбайа сырыттым. Быстах ардах түһэн ааспыт буолан ойуур отун-маһын сиигэ күндү таас өҥнөрүнэн күлүмүрдүү оонньуур.

Аэропорт саҥа тутуллубут аныгылыы моһуоннаах, бэрт тупсаҕай тутуулаах улахан уораҕайын иннигэр асфаала соторутааҕыта кутуллан бүппүт киэҥ тэлгэһэтин ким да тэпсибэтин диэн күрүөлээн кээспиттэр. Арай саҥа аэропорт дьиэтин үрдүгэр аҕыйах спецовкалаах киһи тугу эрэ үлэлии-хамсыы сылдьаллара көстөр. Саҥа аэропорт тэлгэһэтигэр сыста аэропорт эргэ дьиэтэ “беднэй родственник” курдук самнайан тураахтыыр.

Бу дойдуга сайыҥҥы кэмҥэ урут сылдьа илик буоламмын айылҕатын кэрэхсээн көрөбүн. “Арааһа соҕуруу аата соҕуруу курдук быһыылаах, ото-маһа хойуута, чиргэлэ сүрдээх” дии саныыбын.

Икки киһи улахан турбалары кырааскалыы сылдьалларын көрөн эҕэрдэлэһэн баран кэпсэттим:

-Ребята, вы нерюнгринцы?

-Неет …

-Аа, из Якутска?

-Неет. Отсюда шесть тысяч километров будет.

-Аа, из-под Москвы.

-Из Белоруссии.

– Аа, сыновья самого батько!

Дьонум күлүстүлэр.

-Даа, батько, батько.

Белоруссия, Украина туһунан Пригожиҥҥа тиийэ ону-маны ылахтаһан ыйыталастым. Дьонум сэмэйдэр, эйэҕэстэр, ол гынан баран тугу да быһа-хото саҥарбаттар, сэрэхтэр. Бары үчүгэйи баҕаран баран салгыы аэропордум диэки төттөрү бардым.

Били саҥа куорпуска үлэлии сылдьар дьон үлэлээн бүппүттэр быһыылаах, күрүөлэммит площадкаттан тахсан туора турар микроавтобустарын диэки баран иһэллэр.

Ахсааннара сэттэ-аҕыс. Хайдах эрэ сахалыы туттар-хаптар, кэпсэтэр курдуктар. Саҥаларын иһиллии сатаатым да кыайан чуолкай истибэтим.

-Уолаттар, сахаларгыт дуо? -, диэбиппэр биир уол:

-Ээ, сахаларбыт, сахаларбыт,- диэтэ.

Тулаайахсыйа сылдьыбыт киһи аймахтарын көрсүбүтүн курдук үөрэ түстүм.

-Дьокуускайтан сылдьаҕыт дуо? ,-дии турдахпына

-Оо, Иван Иванович сылдьар эбиккин дуу, -диэбитинэн микроавтобус кабинатыттан улахан, төрөл бэркэ билэр дьүһүннээх киһим тахсан кэллэ, – Иванов Васябын, тоҕус уон үс сыллааҕы выпуспун ээ.

-Ээ, Иванов Дьулус быраатаҕын?

-Оннук.

Вася бэйэтэ тэрилтэлээх эбит, саҥа аэропорка холодильнай установкалары туруорар бэдэрээккэ үлэлии сылдьаллар эбит.

Ханна да тиий, биһиги оҕолорбут үлэлии сылдьар буолаллар. Ону истибит, көрбүт түгэҥҥэр санааҥ дэгдэс гына түһэр эбээт! Уолбунаан бэрт кыратык кэпсэтэ түстүбүт.
-Чэ, Вася, бакаа. Маладьыастар, оҕолорбут барахсаттар маннык үлэлии-хамсыы сылдьаргыт наһаа үчүгэй!

Микроавтобус хоҥунна, уолаттар омурҕаннарыгар чэйдии бардылар быһыылаах. Массыына тэйбитин кэннэ өйдөөбүтүм уолбунаан хаартыскаҕа түспэккэ хаалбыппын! Оо, маннык үчүгэй түгэҥҥэ Васялыын хаартыскаҕа түһэн баран оскуола уонна выпускниктар бөлөхтөрүгэр бырахпытым буоллар бэрт да буолуо эбит. Кыһыйбытыҥ иһин хайыаҥ баарай.

***

От ыйын 22 күнэ, 2023 сыл, Нерюнгри аэропорда

Обсуждение • 1

Добавить комментарий
  1. В.Ш.

    Убайым барахсан, быдан дьылларга бырастыы 🕯️😞…

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»