Быйылгы үөрэххэ туттарсыы сылыгар медиссиинэ эйгэтигэр улууска тус аналлаах(целевой) миэстэлэр бэриллибиттэригэр бу салааҕа үөрэнэр баҕалаах оҕолор сайаапкаларын ылыы түмүктэнэн эрэр. Ол курдук, улууспутугар үрдүк үөрэхтээх «Медико-профилактическое дьыала» диэн идэҕэ үөрэнэргэ биир, «Лечебное дело» икки, «Стоматология» 2 миэстэ көрүллүбүт. Оттон орто үөрэххэ — «Лечебное дело» — 1, «Сестринское дело» идэлэргэ биир миэстэ.
Үрдүк үөрэххэ тус аналлаах миэстэҕэ сайаапка биэрэр баҕалаах буоллахха СӨ Доруобуйа харыстабылын министиэристибэтин саайтыгар https://minzdrav.sakha.gov.ru/abiturienty киирэн билсиэххэ эбэтэр 89644288407 төл. эрийэн билсиэххитин сөп.
Оттон орто үөрэххэ киирэр оҕолор улуустааҕы киин балыыһа кылаабынай бырааһын аатыгар сайаапка түһэриэхтэрин сөп. Билсэр төл. нүөмэрэ 22-8-66.
Бу күннэргэ орто үөрэххэ туттарсааччылартан сайаапкалар киирэ турарылларын туһунан улуус кылаабынай бырааһа Константин Павлов иһитиннэрдэ. Ол да буоллар хойутаабыппыт диэн санааҕытын түһэримэҥ. Сөбүлүүр идэҕэр үөрэниэххин баҕарар буоллаххына, туох баар үүтү-хайаҕаһы көрдүүр көдьүүстээх буолааччы.
***
Яина ВЛАСЬЕВА
Оставить комментарий