Сунтаар уолаттара «Дохсун» тимир кɵлɵнү оҥорбуттара бэһис сыла буолла. Бу тэрили оҥорон саҕалыылларыгар үлэлэспит уоллара, бырааттара Афанасий билигин анал байыаннай дьайыыга сылдьар. Геннадий Васильев «Дохсун» вездеходы оҥоруунан күтүɵтэ Алексей Захаровтыын саҕалаабыта.
Билиҥҥи туругунан сүүсчэкэ «Дохсун» хаһаайыттарын булан бэркэ туһалыы сылдьаллар. «Дохсун» билигин докумуоннаах, бэл диэтэр тыаҕа сылдьан туга-ханныга алдьаммытын биллэрэр компьютердаах буолла. Ол курдук, уолаттар сыллата тимир көлөлөрүн тыа дьонугар табыгастаах буоларын ситиһэллэр.
Эр дьон сэргиир, ыралыыр тимир көлөлөрүн хас да маастар оҥорор. Сүрүн оҥкулугар алта буолан үлэлииллэр: Геннадий Васильев, аҕалаах уол Алексей, Максим Захаровтар, Владимир Бекренев, Семен Федоров уонна сулууспалыы сылдьар Афанасий.
«Дохсун» саха бастыҥ тимир көлөтүн оҥорууга уолаттар улахан гараастанан үлэлиир усулуобуйаларын тупсарар ыралаахтар. Онно көмө баара буоллар дэһэллэр. Дьэ, оччоҕуна элбэх эр киһи дохсуннаныа этэ.
«Дохсун» тимир көлө туһунан бу нүөмэринэн билсиҥ: +79142787828.
***
Тускулаана ГОРОХОВА-КОБЕЛЬЯНОВА
Оставить комментарий