Чемпионат үрдүк тэрээһиннээхтик ыытылынна

Ыалдьыттар уонна көрөөччүлэр сыаналаабыттарынан – чемпионат үрдүк таһымнаахтык тэриллэн ыытылынна. Өҥүрүк куйааһы аахсыбакка охчуттар тулуурдарын, дьулуурдарын көрдөрөн, кыахтарынан үрдүк көрдөрүүнү ситиһэргэ таластылар.

Чемпионат чэрчитинэн бэтэрээннэргэ уонна төрүт оҕунан ытыыга күрэхтэһиилэр тэриллибиттэригэр, биир дойдулаахтарбыт эриэ-дэхси ситиһиилэннилэр. Ону тэҥэ оҕунан ытыыга Саха сирин историятын кэрэһэлиир саҥа кинигэ сүрэхтэниитэ, судьуйалар семинардара, саха оҕун быыстапката, о.д.а. сэргэх тэрээһиннэр – улахан таһымнаах күрэхтэһиини байытан биэрдилэр.

Бүтэһик быһаарыылаах күн Саха сирин хамаандатыгар Дайаана Винокурова уонна Павел Мартынов (хаартыскаҕа) блочнай оҕунан хамаанданан ытыыга үһүс бириистээх миэстэни ылан, чемпионат боруонса мэтээлинэн наҕараадаланнылар. Кинилэр Ярославскай уобаластан кыттыбыт Румянцевалаах/Косенкову 148:147 ахсаанынан баһыйдылар.

Чемпионат түмүк көрдөрүүтэ:

Классическай ох. Эр дьон

1.Бэлигто Цынгуев – Забайкальскай кыраай

2.Алдар Цыбикжапов – Бурятия

3.Арсалан Балданов – Забайкальскай кыраай.

Классическай ох. Дьахталлар

1.Соёлма Сыренова – Бурятия

2.Жаргалма Данцаранова – Забайкальскай кыраай

3.Нуриниссо Махмудова – Москва.

Блочнай ох. Эр дьон

1.Артур Сибиряков – Москва

2.Иван Жулин – Москва

3.Руслан Серебряков – Бурятия.

Блочнай ох. Дьахталлар

1.Арина Черкезова – Москва

2.Мария Димидюк – Москва

3.Софья Александрова – Забайкальскай кыраай.

Классическай ох. Булкаастаах хамаанда

1.Светлана Гомбоева/Алдар Цыбикжапов – Бурятия

2.Софья Сухих/Артемий Панько – Санкт-Петербург

3.Александра Цыденова/Бэлигто Цынгуев – Забайкальскай кыраай

Блочнай ох. Булкаастаах хамаанда

1.Арина Черкезова/Артём Николаев – Москва

2.Диана Ошорова/Сергей Шенхоров – Бурятия

3.Дайаана Винокурова/Павел Мартынов – Саха сирэ.

***
«Дьулурҕан»