Синоптик этэринэн, өрөбүл күннэргэ хотугу, хотугулуу-илин улуустарга биллэ сөрүүдүйбүтэ, салгын температурата 10-15 кыраадыс түспүт. Маны таһынан, силлиэ түһэр, араас күүстээх ардахтыыр, оттон Арктика кытылынан инчэҕэй хаар түһэрэ күүтүллэр.
«Киин улуустарга арктическай фронт чугаһаабыта билиннэ. Салгын температурата улаханнык уларыйар. Ол курдук, чугастааҕы сууккаҕа салгын температурата +20 кыраадыска диэри түһүөҕэ», — диэн Татьяна Маршалик бэлиэтээтэ.
Өрөспүүбүлүкэ киин улуустарыгар, ол иһигэр Дьокуускайга, бэс ыйын 10, 11 уонна 12 күннэригэр бу нэдиэлэҕэ саамай тымныы күннэр буолуохтара. Түүнүн салгын температурата 0-тан +5 кыраадыска диэри түһүө, куорат таһыгар тоҥоруу түһэрэ күүтүллэр.
Онон нэдиэлэ бүтүөр диэри күн-дьыл сөрүүн буолуоҕа.
Оставить комментарий