Бастыҥ бырайыактар олоххо киириэхтэрэ

Муус устар 23 күнүгэр, улуус Аҕа баһылыга Анатолий Григорьев Н.Родионова аатынан Оҕо дьоҕурун сайыннарар киин директоры иитэр үлэҕэ солбуйааччы Айна Яковлеваны, “Инженеры будущего” куруһуок салайааччытын, эбии үөрэхтээһин педагога Андриан Максимовы уонна улуустааҕы архитектурнай хакатон кыайыылаахтарын кытары көрүстэ. Оскуола үөрэнээччилэрэ 10 кылаастар Наташа Егорова уонна Николина Иванова, 7 кылаас Динара Васильева,  8 кылаас  Антонов Тимур улуустааҕы Г. Н. Саввинов аатынан ыһыахтыыр пааркаҕа “Күнчээн” оҕо түһүлгэтин бырайыактаабыттарын билиһиннэрдилэр. Инникитин бырайыак ааптардарын кытта олоххо киириэн сөптөөх үлэлэри Скетчап программаҕа киллэрэри былааннаатылар.

***

“Сунтаар улууhа (оройуона)” муниципальнай оройуон дьаһалтатын пресс – сулууспата