Хотугулуу-илин улуустарга кыратык, оттон соҕуруу уонна илин өттүгэр сорох сирдэринэн орто күүстээх ардах түһэрэ күүтүллэр. Тыала үксүн орто күүстээх буолуоҕа, ол эрээри хотугу байҕал кытылыгар тыал күүһэ сөкүүндэҕэ 15-20 м. диэри тиийиэҕэ.
Түүнүн салгын температурата +3…+8° сылаас буолуоҕа, оттон халлаан халыннаҕына 0…-5° диэри тымныйыаҕа, тоҥоруоҕа. Күнүһүн халлаан +18…+23° диэри сылыйар, хотугулуу-илин улуустарга +8…+13° сылаас буолара сабаҕаланар.
Дьокуускай куоракка бүгүн ардаабат. Тыал хотугулуу-арҕааттан сөкүүндэҕэ 1-6 м. түргэннээхтик үрүөҕэ. Түүнүн куорат иһигэр +1…+3° сылаас буолуоҕа, оттон куорат тулатынааҕы сирдэринэн 0…-2° диэри тоҥоруоҕа. Онон даачалаахтар, оҕуруоттаахтар сэрэхтээх буолуҥ. Оттон күнүһүн +19…+21° сылаас күн буолара күүтүллэр.
Оставить комментарий