– Быраастар бүөрү уонна быары көһөрүөхтэрэ, сүрэҕи эпэрээссийэлиэхтэрэ. Сүрэҕи көһөрөр саатар биир эпэрээссийэ баар буолуохтаах. Ыарыһахтар уочараттара оҥоһулунна. Ордук бүөр көһөртөрөөччүлэр элбэхтэр, – диир миниистир.
Кини этэринэн, 2025 сыл иккис аҥаарыгар Дьокуускайга Кузьмин уулуссатыгар 2-с №-дээх куорат балыыһата үлэҕэ киирбитин кэннэ, Нефрология амбулаторнай киинэ арыллара былааннанар.
– Саҥа киин бүөрдэрэ ыалдьар өрөспүүбүлүкэ олохтоохторугар көмөлөһүөҕэ. Ыарыһахтар араас чинчийиини ааһыахтара, эмтэниэхтэрэ, гемодиализка сылдьыахтара. Ону таһынан, Өрөспүүбүлүкэтээҕи 1-кы №-дээх балыыһа – Мэдиссиинэ национальнай киинэ уонна СӨ Доруобуйа харыстабылын министиэристибэтин штаты таһынан сүрүн трансплантолога Альберт Васильев үс биригээдэ исписэлииһи анаан үөрэттэрдилэр, кинилэр Сергей Готьеҕа баран стажировкаланан кэллилэр, – диэн Лена Афанасьева кэпсээтэ.
***
Бэй.кэр.
Оставить комментарий