Алаһа дьиэ иччитэ аналгын умнума
Кэнники кэмҥэ, бып-быычыкаай куораппыт иһигэр сиэр-майгы сатарыйбыта хара тыын буолан бүрүүкээн тэнийэрэ балысхана, түргэнэ сөхтөрөр.
Кимнээх эрэ кыһаллан, тус бириэмэлэрин анаан өбүгэбит итэҕэлин сөргүтэллэр, төрөөбүт тылбытын хайдах харыстыыбыт диэн толкуй тобулаллар.
Кимнээх эрэ бүдүрүйбүт ыччаттарбытыгар анаан үп, спонсор көрдөөн холуонньаларга Айыы Арчытын тутуһаллар.
Кимнээх эрэ дойдубутун көмүскүү барбыт уолаттарбытыгар мустан иистэнэн туһалаах дьыаланнан дьарыгыраллар.
Ол быыһыгар, ханнык эрэ кэлии хара омук стриптизер харчытын халыҥатарыгар дьахталларбыт кыһаллан-мүһэллэн көөчүктэнэр видеолара тарҕанар. Сатаатар, ити музейнай “экспонат” курдук Нигерия “ыалдьытын” урууга кытары ыҥыран эриллэҥнэттилэр.
Аны отойдуун даҕаны кус сыгынньах баллайбыт “чүөчэ” түүҥҥү кулуупка кэннин көрдөрөн дьаабыланар. Тэп гыннаран дуу, буруолаан баран дуу итинник бэйэтин омугун аатын түһэрбитин, намтаппытын сарсыныгар өйдөөбүт хотууска эбитэ дуу, суоҕа дуу?
Ити устуулары өйдөөн көрдөххө, эдэр саастаах кыргыттар буолбатахтар ээ. Сыбаайбаланааччылар даҕаны бэйэлэрэ анаан ити негры ыҥырбатах буолуохтаахтар.
Аны туран, тэллэй курдук элбээбит айдарыылаахтарбыт (99% дьахталлар) харчы хараҥа эниэргийэтин сомсон ылаарылар аларааҥҥылардыын алтыһаары оннооҕор музейдарга таҥханнан үлүһүйэллэрин культуурабыт миниистирэ тойон Куприянов биһирээбитэ норуоппутун таҥнары тардыбат дуо?
Өссө эбиитин, ис иһигэр киирэн сыныйдахха, видео устууларга барыта сахалар.
Үөгүү-хаһыы буолан ураатааччылар- тэптэрээччилэр, сүллүүкүннэрдиин сэргэстэһэн-сэлэһэн биири биэс оҥорон үптэрин үлүннэрээччи экстрасенстар кытары түөрэтэ САХА дьахталлара.
Алаһа дьиэлэри сырдатааччы, араҥаччылааччы аналлаах кэрэ аҥаардар!
Бу тыҥааһыннаах кэмҥэ Эр Дьоммутугар, дойдубутугар күүс-көмө буолбакка тоҕо төттөрүнү түөрэбит, кэхтиигэ кыттыһабыт?
Алдьархай аанын сабыах, оҕолорбутун хаххалыах оннугар, аматын да иһин, аналбытын умуннубут?
Абааһыларга бэриннибит?
Тирэх буолар дьоммут сааһыттан тутулуга суох уоттаах кыргыһыыга сылдьар кэмнэригэр сааһыра барбыт дьахталлар бииртэн биир, төбөлөрүгэр мас киирбиттии, көстөн-күөрэйэн күннээн эрэллэрэ түктэри быһыы дии санаабаккыт дуо?
Дьахтар буоларбыттан кырдьыктыы кыбыһынным.
Инникибитин сарбыйар көстүүлэр арахтыннар дуу.
Оҕолорбут харахтарыгар таҕыл ханнарааччы хартыыналар көстүбэтиннэр дуу.
Сатаатар, сахам дьоно сонун гынан салҕыы ыытан бука диэн бүтүөҕүҥ дуу.
Эрэл энчирээбэтин.
Өйөбүл өрөгөйдөөтүн.
***
Марина ПЛАТОНОВА – Хомпорууна
Обсуждение • 10
Добавить комментарийОставить комментарий
Не пропустите
Шиномонтаж Левша
Cтоматология 32
Адьас соптоох суруйуу. Суллукуусумсуйуу тохтуон наада. Танхалаасын – сатанизмна чугасаасын.
Айа, наhаа правильнай буолартан сылайдыбыт. Хомпорууна, эн ханна эрэ баран – Сунтаарга дуу, В/вилюйскайга- Поскачинна баран дуу Ленин курдук – “Духовный коммунизм в отдельно взятом районе” тэрий. Барыларын ансамбылга ыллат саха эмээхсиннэрин курдук
Анти -хомпорууна, онтон эн Африкага барыаххын, онно дьэ.. дэлэй буолуо, куннэри тууннэри, эгин эгин фигуралаах харалар.. Ха – ха
Причем здесь Африка. Просто билэргинэн бэйэн ейдебулугунэн сылдьыахха наада. Сыыhа буолла5ына ол бэйэм сыыhам. Киhи относительно свободнай буолуохтаах в своем выборе бэйэтин ис культуратынан, ейдебулунэн . Дурацкай ансамбылга ыллыа суохпун. Тыаскайдаан бутун. Онноо5ор при КПСС сексэ баар этэ. Хаха
Хомпорууна диэн ханнааҕыный? Кырдьык сунтаровервильскай баҕайы аат дии.
Ааптар сымыанан дьону холуннарыма, харчы онороллор диэн ордук саныыгын быьылаах. Билинни олоххо ким хайдах сатыырынан харчы онорор кэмэ. Себулээбэт буоллаххына итинниктэргэ сылдьыма ээ. Саамай куьа5ан дьахтар ессе эн быьылаах.
Сөптөөх суруйуу, критика баар буолуохтаах
Итэҕэл суоҕуттан тастан киириини үтүктүү биһиги омукка баар аҕай, хомолтолоох
Мусульманствоны ылыныа5ын. Оччо5уна бары бэрээдэктэх буолуохпут. Бырааттыы улахан тюрк омуктарбыт бары исламы ылыммыттара. Онно эр киhини эр киhи курдук кереллер. Ол иhин эр киhи эппиэтинэстээх перед супругой и семьей. Дьахтар бэйэтин миэстэтин билинэр. Саха итэ5элэ морально-этическай нормата, канона суох. Уоту аhатан баран эбэтэр христоска унэн баран тугу ба5ар онор. Все спишется….
Хампорууна сөпкө бэлиэтээн суруйбут… Сыбаайбаҕа буола буола үлүгэр харчы төлөөн ити туох ниэгирин аҕалан стриптиз көрдөрдүлэр? уопсайынан наһаа куһаҕан дии санаатым итини ватсап нөнүө тарҕаппыттарын көрөн…Ити кэриэтэ бэйбит уолаттарбытын ыҥыран ыллатан үҥкүүлэтиэ этилэр..
Эмээхсин стриптиз – это вид искусства и танца. Минюстом принят, закон не запрещает