Агдары үрэҕи туоруур муоста силигэ ситэн эрэр
Сунтаар улууһун Аҕа баһылыга Анатолий Григорьев, тутуу комплексын управлениятын салайааччыта Иван Егоров уонна улуус кылаабынай архитектора Николай Степанов Наахара уонна Хордогой муниципальнай суолга, Агдары үрэҕи туоруур муоста тутуутун хаамыытын билистилэр.
Муоста тутуутугар ООО «Меркурий» тэрилтэ ылсан үлэлиир, үлэ хаамыыта тэтимнээхтик барбыт. Эбийиэккэ тэрилтэ дириэктэрин солбуйааччы Николай Алексеев салайааччылаах 10 улахан тиэхиникэ үлэни ыытар, билигин муоста кытыыларын бөҕөргөтүү, тааһынан кытаатыннарааһын бара турар.
Бэдэрээччик аныгыскы нэдиэлэ саҕаланыытыгар үлэ түмүктэнэрин иһитиннэрдэ. Халаан уутун саҕана муостаҕа күнүнэн дьуһуурустуба олохтоноро былааннанар.
***
“Сунтаар улууhа (оройуона)” муниципальнай оройуон дьаһалтатын пресс – сулууспата
Не пропустите
Шиномонтаж Левша
Cтоматология 32
Оставить комментарий