Үөрэх туһунан сокуон ыстатыйата күүһүн сүтэрбитинэн билинилиннэ

2024 сыл муус устар 23 күнүгэр Ил Түмэн 6-с пленумугар «”Саха Өрөспүүбүлүкэтигэр үөрэх туһунан” Саха Өрөспүүбүлүкэтин сокуонун 19-с ыстатыйатын 10-с чааһын күүһүн сүтэрбитинэн билинэр туһунан» Саха Өрөспүүбүлүкэтин сокуонун бырайыага маҥнайгы ааҕыыга ылылынна.

Сокуон бырайыага «Саха Өрөспүүбүлүкэтигэр үөрэх туһунан» сокуон «Россия Федерациятыгар үөрэх туһунан» федеральнай сокуон 40-с ыстатыйатын 3-с чааһыгар сөп түбэһиннэрэр инниттэн бэлэмнэннэ.

СӨ Бырабыыталыстыбата үөрэх сүрүн бырагырааматын олоххо киллэрэр муниципальнай үөрэх тэрилтэтин тэрийээччи бу үөрэх тэрилтэтигэр үөрэнэр атын муниципальнай оройуон, муниципальнай уокурук эбэтэр куораттааҕы уокурук сиригэр-уотугар олорор үөрэнээччилэри төлөбүрэ суох тиэйиини-таһыыны тэрийиигэ ороскуотун толуйуу бэрээдэгин олохтуурга боломуочуйата суоҕун быһыытынан «Саха Өрөспүүбүлүкэтигэр үөрэх туһунан» СӨ сокуонун 19-с ыстатыйатын 10-с чааһа күүһүн сүтэрбитинэн билиниллиэхтээх.

Саха Өрөспүүбүлүкэтин Ил Түмэнин наукаҕа уонна үөрэххэ сис кэмитиэтин бэрэссэдээтэлэ Антонина Григорьева бу сокуон бырайыагар Саха Өрөспүүбүлүкэтин Бырабыыталыстыбатын, Саха Өрөспүүбүлүкэтигэр Россия Федерациятын Юстиция министиэристибэтин управлениетын сөпсөһөр түмүктэрэ, Саха Өрөспүүбүлүкэтин Ил Түмэнин судаарыстыбаннай-быраап управлениетын 1 бэлиэтээһинэ баарын бэлиэтээн эттэ. Сис кэмитиэт сокуон бырайыагын маҥнайгы ааҕыыга ылынарга көрдөстө.

Куоластааһын түмүгүнэн өрөспүүбүлүкэ норуодунай дьокутааттара сокуон бырайыагын маҥнайгы ааҕыыга ылыннылар.

***

Ил Түмэн пресс-сулууспата