Бу күн Томпо, Өймөкөөн, Абый, Муома уонна Усуйаана улуустарыгар быстах, сорох сиринэн орто күүстээх ардах түһүөҕэ. Күнүс киин, соҕуруу, Өлүөнэ өрүс аллараа тардыытынан уонна хотугулуу-илиҥҥи улуустарга самыыр түһэрэ сабаҕаланар. Оттон Дьааҥы хайаларыгар түүнүн инчэҕэй хаар түһүөн сөп.
Тыала орто күүстээх. Сорох сиринэн сөкүүндэҕэ 9-14 миэтэрэҕэ тиийэ күүһүрүөн сөп. Оттон күнүс Арктика кытылынан тыал түргэнэ сөкүүндэҕэ 15-19 миэтэрэҕэ диэри күүһүрүө.
Салгын температурата түүнүн +2+7° кыраадыс сылаас, соҕуруу улуустарга +7+12° сылаас буолуоҕа. Хотугулуу-илиҥҥи улуустарга халыннаҕына, былыта суох буоллаҕына, 0,-5° кыраадыска диэри тымныйыаҕа.
Күнүс +14+19° кыраадыска диэри сылыйыаҕа. Соҕуруулуу-арҕаа өттүгэр салгын +21° диэри сылыйара күүтүллэр. Хотугу улуустарга күнүс +9+14°, оттон Арктика кытылыгар баара-суоҕа 0,+5° кыраадыс буолуоҕа.
Дьокуускай куоракка түүнүн сөҥүү түспэт, салгын температурата +4+6° сылаас буолуоҕа. Оттон күнүс, күн иккис аҥарыгар, быстах ардах түһүөҕэ. Соҕуруулуу-арҕаа диэкиттэн тыал үрүөҕэ. Күнүс +14+16° кыраадыс сылаас буолара сабаҕаланар.
Оставить комментарий