Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Үөрэҕирии эйгэтин үлэһиттэригэр ыҥырыы

15.03.2018 10:19 0
Үөрэҕирии эйгэтин үлэһиттэригэр ыҥырыы

Үөһээ Бүлүү улууһун үөрэх салалтатын салайааччыта Спиридон БОРБУЕВ:

Убаастабыллаах  үөрэх эйгэтин бары үлэһиттэрэ!

Үөрэх салалтатын салайааччытынан ананан баран улуус нэһилиэктэрин барытын кэрийиэхтээхпин, билсиэхтээхпин диэн сорук туруорбутум. 21 нэһилиэги, 3 учаастагы барытын билистим.

Спиридон Борбуев

Кылгастык бүгүҥҥү турукпутун билиһиннэриэм. Биһиги улууска 58 үөрэх тэрилтэтэ баар. Бары коллектив олус бэртик тэринэн, кыахтарынан үлэлии олороллор. Үлэлиир усулуобуйа барыларыгар тус-туһунан. Саамай улахан кыһалҕабыт – эргэ дьиэлэрбит  элбэхтэр. Тымныы, акылааттара тэллэйдээх, эмэҕэрбит оскуолалар, детсадтар. Саамай тымныы дьиэ – Далыр оскуолата, Дүллүкү детсада, Ботулуу спорт саалата уонна Өргүөт оскуолата.

Быйыл сайын ити объектарга ититии үлэтэ барыаҕа, оҕолор, бастатан туран, сылаас, сырдык уонна ыраас дьиэҕэ сылдьыахтаахтар. Биһиги улууска тэтимнээхтик социальнай объектары тутуу күүскэ барар. Ол курдук, бу кэлиҥҥи сылларга, Кырыкыйга оскуола, Кэнтиккэ уонна Быракааҥҥа детсад үлэҕэ киирдилэр. Быйылгы дьылга Нам оскуолата үлэҕэ киирдэ. Өссө быйыл Далырга, Өргүөккэ – 50-нуу миэстэлээх оскуола, Үөһээ Бүлүүгэ Билиилээххэ 240 миэстэлээх детсад (манна эбии 90 кэриҥэ эбии үлэ миэстэтэ тахсыа), Хомустаахха 20 миэстэлээх детсад үлэҕэ киириэхтэрэ. Ботулууга оскуола, Маҥааска детсад тутуута саҕаланыахтаах, табылыннаҕына, быйылгы сылтан Хороҕо детсад тутуута эмиэ барыахтаах. Көрөргүт курдук, сыл аайы үөрэх, оскуола иннинээҕи тэрилтэ дьиэлэрин тутууа күүскэ барар.

Маны таһынан, төһө кыалларынан тэрилтэлэрбитин саппат туһугар үлэлиибит, Күүлэт учаастагар 5 оҕолоох, Көтөрдөөххө 6 оҕолоох – уонтан тахсалыы үлэһиттээх детсадтар үлэлии тураллар. Үөрэх хаачыстыбата тупсарыгар былаан ылынан учууталлар таһымнарын сайыннарыыга күүскэ ылсан эрэбит, нуучча тылларын учууталлара, бу ый 24 күнүгэр, Санкт Петербурга баран нуучча култууратын, суруйааччылар айбыт-туппут сирдэригэр барыахтара. Муус устар ыйга оскуола завучтара Татарстаҥҥа баран анал куурустарга сылдьыахтара. Кэнэҕэс саха тылын учууталлара – саха суруйааччыларын төрөөбүт-үөскээбит сирдэринэн уонна Казахстаҥҥа төрүт тылы хайдах үөрэтэллэрин билсэ барыахтара.

Оҕолорбут каникул кэмигэр сынньалаҥнарын аттарар үлэни ыытыахпыт. Бу сааскы каникулга, Хороҕо, 80 оҕо улуус бары оскуолаларыттан талыллан кэлэн эбии үөрэниэхтэрэ, дьарыктаныахтара. Сайыҥҥы хонуктаах лааҕырдары эһиилгэттэн саҕалаан арыйталыахпыт. Хороҕо – үөрэх лааҕыра, Дүллүкүгэ – патриотическай, Өргүөккэ- экологическай, Кэнтиккэ уус лааҕырдара сайынын үс түһүгүнэн үлэлээн, 1500 оҕону хабыахтара.

Биир саамай улахан былааммыт – Кванториуму тутуу. Манна бары экспериментальнай, лабораторнай площадкалар оҕолорго анаан тутуллуохара.

Онон, биһиги улууспут, дойду үөрэххэ уонна иитиигэ политикатын олоххо киллэрэргэ бары усулуобуйаны тэрийэн олорор. Бэйэ бэйэни өйдөһөн, үлэни аттаран үлэлээтэххэ туох барыта кыаллыаҕа диэн эрэнэбин. Итини бэлиэтээн туран, кулун тутар 18 күнүгэр, дойдубут аҕа баһылыгын талар быыбарга, үөрэх, иитии эйгэтин бары үлэһиттэрэ Төрүт сокуонунан мэктиэлэммит быраапкытын туһанан, бүттүүн куоластыы тахсыаҕыҥ диэн ыҥырабын!

***

Спиридон БОРБУЕВ,

Үөһээ Бүлүү улууһун үөрэх салалтатын салайааччыта.

 

Шиномонтаж Левша

СахаСтройПлит
Cтоматология 32
«Стоматология Все 32»