Үөрүүлээх быһыыга дьупулуому туттарыы, устудьуоннар успуортарыгар уонна успуорка үөрэхтээһин эйгэтигэр сүрүн тэрээһининэн буолар. РФ успуордун миниистирэ, Арассыыйатааҕы Олимпийскай кэмитиэт бэрэсидьиэнэ Михаил Дегтярев кыһыл дьупулуомнары уонна өйдөбүнньүк бэлэхтэри тус бэйэтинэн туттарбыт. Тэрээһиҥҥэ үрдүк үөрэҕи кыһылынан бүтэрбит 118 устудьуону, ону тэҥэ, физкултуураҕа, успуорка уһулуччу көрдөрүүнү ситиспит 5 үөрэнээччини ыҥырбыттар.
Быйыл успуорка үрдүк үөрэх дьупулуомун 7 тыһ. тахса бүтэрээччи ылбыт. Кинилэр кэккэлэригэр дойду успуорка сүүмэрдэммит хамаандатын чилиэннэрэ, Бүтүн Арассыыйатааҕы уонна норуоттар икки ардыларынааҕы күрэхтэһиилэр кыайыылаахтара, миэстэлэспиттэр, ону тэҥэ, инникитин успуорт уонна инновационнай технология эйгэтин салайыыга дойду физическэй култууратын, успуордун сайыннарыыны хааччыйыахтаах тириэньэр, исписэлиис буолуохтаах дьон бааллар.
Тэрээһин официальнай чааһын кэнниттэн аһаҕас халлаан анныгар үөрэҕи бүтэрээччилэргэ кэнсиэр көрдөрбүттэр, Успуорт түмэлигэр экскурсия тэрийбиттэр. Бу туһунан Үөрэх уонна билим министиэристибэтин МАХ-ханаалыгар суруйаллар.
Ааптар: Людмила Попова
Оставить комментарий