Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

УОЛАТТАР, МАЛАДЬЫАСТАР!

11.08.2022 14:25 2
УОЛАТТАР,  МАЛАДЬЫАСТАР!

Олох ирдэбилэ дуу, дьылҕа дук гыныыта дуу –  кэлин кэмҥэ хас да киинэ оҥоһуллан дьону толкуйга түһэрдэ. Сэбиэскэй саҕана киргизтэр, үксүгэр улуу суруйааччылара Чингиз Айтматов айымньыларынан, бэртээхэй киинэлэрин көрөн астынарбыт, ордук саныыр этибит. Билигин бэйэбит оҕолорбут кистии, мэлдьэһэ сатыырбытын тиэрэ тардан таһаарар дириҥ ис хоһоонноох киинэлэри айар буоллулар.

Итилэртэн сорохторун ыллахха – “Хара хаар”,  “Вертолет”, “Пугало”, эбэтэр “Дьулуур” курдуктар ама киһини долгуппат үһүлэр дуо. Билиҥҥи кэми, бу күн буола турары хайдах баарынан, тупсарбакка көрдөрөллөрүнэн киһини абылыыллар. Манна абардар, кэлэтэр, эбэтэр үөрдэр барыта баар.Киинэлэр оннооҕор сайдыылаах омуктар идэтийбит кириитиктэрин биһирэбиллэрин ылбыттара, үгүс бириискэ тиксибиттэрэ мээнэҕэ буолбатах дии саныыбын.                                         

Сайдыылаах дэнэр 21-с үйэҕэ олоробут.
Өрөспүүбүлэкэбит 100 сааһын бэлиэтээтибит. Биир үйэ ааһа охсубут. Ол тухары тугу ситистибит? Итини бу киинэлэр кырдьыгынан көрдөрөллөр. Ойуунускай, Аммосов, Барахов, Аржаков, Окоемов уонна онтон да үгүстэр, ама, бу олоҕу аҕалаары өлө-тиллэ охсуспуттара, ыра санаа оҥостубуттара, түмүгэр репрессияламмыттара, ытыллыбыттара дуо?  Кинилэр кэннилэриттэн аҕаларбыт, эһэлэрбит ньиэмэс фашистарын утары сэриигэ бу олоҕу аҕалаары сэймэктэммиттэрэ, киһи аҥаара, чиэппэрэ буолан эргиллибиттэрэ дуо?

Японияҕа Манньыаттаах уола саллаат уолбутун көрсүбүтүгэр гастронома баарын-суоҕун сураспыт этэ. Баар, турар диэбитигэр: ”Пахай, аныаха диэри улаханнык сайда илик эбиккит”, – диэбитэ үһү. Ол 80-ча сыллааҕыта буолуо.                                                                  

Ол улуу киһи гастрономун динамит күүһүнэн нэһиилэ көтүрбүттэрэ уонна правительство дьиэтин туппуттара. Онно олорор салалта дьаһалын, үлэтин түмүгүн үөһээ ахтар киинэлэрбит көрдөрөллөр. Мин киинэлэри ырыта барбаппын, балары уу хараҕынан көрүөххэ уонна дууһаҥ нөҥүө аһаран сыана быһыахха наада. Бу кэлэн иһэр быыбардар иннилэригэр ити хайаан да наада. Улуустартан спортивнай күрэхтэһиини тугу да быраҕан туран көрө кэлэллэр, бу да сырыыга кэлэн киэҥ экраҥҥа киинэлэри көрөр наадалаах. Быыбарга дьаабыланыы бөҕөтө буолуо, хайдах курдук “сайдыбыппытын”, тупсуубут “балысханын” кэпсии-ипсии тиийиэхтэрэ, эрэннэрии арааһа, албын-түөкэй саҕаланыа, “кэрэ олох” ойууланыа. Кырдьыгынан кэпсиир кандидаты көрүөххүт суоҕа, биир эмэ баар да буоллаҕына бу киинэлэри көрө иликкитинэ кинини таларгыт уустук буолуо.                                                                                  

Оттон саҥалыы көрүүлээх, кырдьыгы кэпсиир киинэлээх уолаттарбытын инникитин да ситиһии арыаллаатын диэн алҕаатаҕым буоллун!

***
Иван БУРЦЕВ,                  

06.08.2022 с.  

Обсуждение • 2

Добавить комментарий
  1. Зена

    Онтон мин хос эhээм дьиэтэ кулаактаммытын кэннэ школа буолан турбут этэ, ону со орутаа5ята кетурбуттэр диэн баар Архив докуменыгар, онтон тердулэрим кемустэрэ миэхэ теннере дуу?

  2. Мда

    “Бу ологу..” диэн Бурцев тугу эппитин буолла?.. Бугунну олохпут сахага хасан да олоруллубутах учугэй, баай, тот, конул олох дии саныыбын. Ойуунускайдаах охсуспут олохторун сыала дьэ туолбута, Ага дойду сэриитигэр Саха уолаттара, Оксокулээх оссо 1910 сыллаахха” Ойуун туулугэр” суруйуутугар “этэ саласпыт, аан дойдуну атыйахтаах уу курдук аймыам диэн айаатыыр, сулусуннээх сурэхтээх Ньармаандьыйа саарыстыбалаах, дэбилгэннээх ньиэмэс омук” Гитлер басылыктара сэриитин утары охтубут уолаттарбыт туох исин охтубуттара дьэ дьэнкэтик костубут куннэрин, ама, кусаган олохпут диэххэ соп дуо? Бурцев, тугу эрэ бутуйагын, буккуллагын.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»