Курс валют
$
71.83
0.15
87.21
Курс валют
Курс валют
$
71.83
0.15
87.21
Меню
Поиск по сайту

Улахан ыйааһыннаах тимир көлөнү ыытар суоппардар күрэхтэрэ

19.10.2019 16:03 0
Улахан ыйааһыннаах тимир көлөнү ыытар суоппардар күрэхтэрэ

Аҕа Дойду Улуу сэриитин ветерана, үлэ уонна доруобууйа харыстабылын ветерана, Сунтаар улууһун уонна Сунтаар нэһилиэгин Бочуоттаах олохтооҕо Григорьев Дмитрий Яковлевич анал бирииһигэр үгэскэ кубулуйбут Сунтаар улууһун ыарахан ыйааһыннаах техникаҕа суоппардар икки ардыларыгар «Лучший водитель 2019» күрэх  ыытылынна. 


Тэрээһин үөрүүлээх арыллыытыгар Сунтаар улууһун Аҕа баһылыга Анатолий Григорьев, улуус баһылыгын бастакы солбуйааччыта Николай Александров, Сунтаар нэһилиэгин баһылыгын солбуйааччы Федор Федоров, улуус бэтэрээннэрин сэбиэтин бэрэссэдээтэлэ Афанасий Васильев, технологическай колледж дириэктэрэ Тамара Казакова, киин балыыһа кылаабынай быраһа Светлана Иванова, «Биир Ньыгыл Арассыыйа» баартыйа Сунтаардааҕы олохтоох отделениетын исполкомун салайааччыта Борис Уларов уонна Дмитрий Яковлевич чугас аймахтара –  кыттааччыларга эҕэрдэ тылларын анаатылар.

Күрэххэ  11 суоппар кыттан уопсайа 3 түһүмэҕи аастылар, ол курдук бастакыннан суол быраабылатыгар билиилэрин көрдөрүү, иккис түһүмэх боппуруоска эппиэттээһин уонна бастакы суһал көмөнү оҥоруу, үсүһүнэн бириэмэҕэ «Авто-эстафета». Тыҥааһыннаах киирсиилэр кэннилэриттэн, элбэх баалы ылан кыайыылаахтар билиннилэр:

1 миэстэ – Павел Болуров, Сунтаардааҕы технологическай колледж кылаабынай механига, 15 сыл стажтаах.

2 миэстэ – Семен Яковлев, Сунтаардааҕы технологическай колледж инструктора, 17 сыл стажтаах.

3 миэстэ – Николай Слепцов, ООО «Жилкомсервис» суоппара, 4 сыл стажтаах.

***

«Сунтаар улууhа (оройуона)» муниципальнай оройуон дьаһалтатын пресс – сулууспата

Оставить комментарий    

Россельхозбанк
АЯМ