Бу чааска аҕыйах ахсааннаах норуоттар түһүлгэлэрэ, Олоҥхо ураһата үөрүүлээх арыллыыллара буолла. 19 сыл устата Олоҥхо ыһыахтарын ыытыы устуоруйатыгар аан бастаан «Саха сирин улуустарын амтана» гастрономическай бэстибээл олус үрдүк таһымнаахтык ыытылынна. Туох да омуна суох, улуустартан кэлбит дэлэгээссийэлэр массыыналарыттан түһээт, таҥастарын уларытта охсоот, оһуохайдаан бараллар.
Улахан Хонуу, кырдьык да, аатын бигэргэтэрдии, сүүнэ улахан, киэҥ да сир эбит! Киһи ис дууһалыын уһуктар, көҥүллүк тыынар дойдута — ыалдьытымсах ытык Кэбээйи сирэ.
Ыраахтан-чугастан дьон тоҕуоруһа мустан эрэр. Күнүс иһийэн турбут Уһун Хонууга олох күөстүү оргуйан эрэр. Бу түүнү быһа оһуохай, күнү көрсүү үөрүүлээх түгэнэ!
Онтон да атын ураты уонна сэргэх тэрээһиннэр быыстала суох ыытыллыахтара.
Дорообо, ытык Кэбээйи! Дорообо, Олоҥхо ыһыаҕа!
Ааптар: Елена Потоцкая
Оставить комментарий