Сунтаарга Сомоҕолоһуу күнүн бэлиэтээтилэр
Сэтинньи 1 күнүгэр, ситиһии ситим олохтоммут, үс саха төрүт билиитин киинэ буолбут, ырыаҕа ылланар, хоһооҥҥо хоһуллар Олоҥхо Дойдутугар Сомоҕолоһуу күнүн бэлиэтээтибит.
Сунтаарбыт улууһун дьоно-сэргэтэ бииргэ түмсэн олоххо тардыһыыбытын уонна кэрэҕэ дьулуһуубутун кэрэһилиир улахан суолталаах бырааһынньыкка – Сомоҕолоһуу күнүгэр, саҥа күн сардаҥатынан салайтаран уйгу-быйаҥы тардыбыт, олох-дьаһах үөрүүлээх түбүгэр сылдьар үтүө-мааны дьоммутун чиэстиир үөрүүлээх түгэҥҥэ Сунтаар улууһун депутаттарын Сэбиэтин бэрэссэдээтэлэ Ульяна Попова, Сунтаар улууһун баһылыгын бастакы солбуйааччыта Николай Александров, улуус баһылыгын социальнай уонна имиджевэй бэлиитикэҕэ солбуйааччы Гаврил Еремеев сахалыы хомоҕой тылынан, эҕэрдэ бастыҥын, алгыс тыл утүөтүн анаатылар.
Тэрээһиҥҥэ норуоттар доҕордоһууларын бөҕөргөтөн, араас норуоттар ырыалара-тойуктара, үҥкүүлэрэ-битиилэрэ дьон биһирэбилин тарта, түмүгэр бары саха сиэрин тутуһан, илии илииттэн ылсан оһуохай олохтоотубут.
Өрөспүүбүлүкэбит уонна улууспут чэчирии сайдарын туһугар, туруоруллубут соруктарбытын биир санааннан салайтаран ситиһэргэ, бары бииргэ түмсэн, Сомоҕолоһон үгүһү ситиһиэхпит диэн бигэ эрэллээхпит.
***
“Сунтаар улууһа (оройуона)” муниципальнай оройуон дьаһалтатын пресс-сулууспата
Оставить комментарий