Кулун тутар 25 күнэ – Бүтүн Арассыыйатааҕы култуура эйгэтин улэһиттэрин күнэ!

«Сунтаар улууһа (оройуона)» муниципальнай оройуон дьаһалтатын уонна оройуон Сэбиэтин депутаттарын ааттарыттан, бүтүн Арассыыйатааҕы култуура эйгэтин үлэһиттэрин күнүнэн итиитик – истиҥник эҕэрдэлиибит!

Култуура үлэһитин күнэ Арассыыйа Президенын 1111 №-дээх ыйаҕынан 2007 сылаахха атырдьах ыйын  27 күнүгэр олохтоммута, онтон ыла сылын ахсын биһиги бу бэлиэ күнү бэлиэтиибит. Эһиги дьон-норуот сынньалаҥын көдьүүстээхтик тэрийэргэ уонна үтүмэн үгүс үйэни уҥуордаан, өбүгэ саҕаттан илдьэ кэлбит сахабыт норуодун төрүт култууратын, үтүө үгэһин күн бүгүҥҥэ диэри харыстаан үүнэн эрэр кэнчээри ыччаппытыгар иҥэрэн Саха буолалларын билинэр, омуктарынан киэн туттар саҥа көлүөнэ дьону иитиигэ бигэ тирэх, быhыллыбат ситим буолаҕыт. 

Биһиги бүгүҥҥү үөрүүлээх күҥҥэ култуура эйгэтигэр үлэлии сылдьар дьоммутугар уонна өр сылларга үтүө суобастаахтык үлэлээбит ытыктабыллаах бэтэрээннэрбитигэр истиҥ Махтал тылларын аныыбыт. Күннэтэ айымньылаах үлэҕитигэр сүрэххит сылааһын, өйгүт-санааҕыт чыпчаалын биэрэн туран төрүт култуурабыт сайдарыгар айымньылаахтык үлэлээҥҥит, уостубат уйгуну-быйаны уһансаҥҥыт, үлэттэн дьоллонон, дьон-норуот дириҥ ытыктабылын, билиниитин ылаҕыт.

Аламай күн сыралын сылааһа, бар дьоҥҥут алгыстаах санаата, олох үрдүк көстүүлэрин сырдык сыдьаайдара инникитин өссө үрдүккэ кынаттаатыннар, саҥаттан – саҥа үрдэллэри дабайарга ситиһиилэри, дьиэ кэргэҥҥитигэр или-эйэни, чэгиэн-чэбдик доруобуйаны баҕарабыт! 

 ***

«Сунтаар улууһа (оройуона)» 

муниципальнай оройуон баһылыга 

А.В. Григорьев,

Сунтаар улууһун депутаттарын

Сэбиэтин бэрэссэдээтэлэ 

У.Д. Попова