Дьокуускайга өссө биир заправка балаҕан ыйын 1 күнүттэн уматык каартата суох үлэлиэҕэ

Киин куоракка балаҕан ыйын 1 күнүттэн Михаил Николаев проспегын 19/1а заправкаҕа уматык каартата суох бэнсиин куттуохха сөп буолуоҕа. Бу туһунан суһал штабка иһитиннэрдилэр.

«Саханефтегазсбыт» 1 №-дээх заправкатыттан суоппардар уу харчынан эбэтэр баан каартатынан уматыгы атыылаһар буолуохтара. Бу иннинэ заправка уматык каартатынан эрэ үлэлээбитэ.

Тустаах быһаарыы Труд уул, 4а турар заправка быстах кэмҥэ өрөмүөҥҥэ сабыллыбытын кытта эмиэ сыһыаннаах. Заправка балаҕан ыйын 1 күнүттэн алтынньы 1 күнүгэр диэри үлэтэ тохтуур. Саҥардыы үлэтин кэнниттэн заправка автоматическай эрэһиимҥэ көһүөҕэ. Анал терминаллары туруоруохтара. Ол көмөтүнэн уматык атыылаһыахха сөп буолуоҕа уонна төгүрүк суукка устата үлэлиэҕэ.

***
Ааптар: НВК «Саха»