Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Банан сыанатын оннугар дьиэ сыанатын тоҕо хонтуруоллаабаттар?

05.02.2020 09:43 2
Банан сыанатын оннугар дьиэ сыанатын тоҕо хонтуруоллаабаттар?

Соторутааҕыта куорат уонна республика былааһа оҕуорут аһын, фрукта сыаната үрдээбитин хонтуруоллуубут диэн отчуоттаатылар. Кытайтан киирэр ас-үөл, таҥас-сап барыта химия диэн айах муҥунан айдааран баран, аны кытай аһын сыанатын хонтуруоллуу сатыыр аакка түспүттэрэ өйдөммөт. Мин санаабар, сүлүһүннээх ас киирэрэ тохтообута үчүгэй. Сүһүрүү даҕаны аҕыйыа.

Хата, ол оннугар бас-баттах дьиэ сыаната Дьокуускайга үрдүү турарын хонтуруоллаабыттара буоллар, көдьүүһэ, туһата баһаам буолуох этэ. 2%-наах ипотека бэриллэр сураҕын истээт даҕаны, эдэр дьону кыһарыйан, дьиэ атыылааччылар сыаналарын талбыт үрдэттилэр. Урут кэм 65 тыһ. биир квадратнай миэтэрэни булуохха сөп эбит буоллаҕына, билигин тутуу хампаанньалара куоталаһа-куоталаһа сыаналарын бэйдиэ ыыттылар. Итини тоҕо ким да көрбөтүй-истибэтий?

Ол, саха былыр да, аны да фрукта сиэбэккэ өлбүтэ диэн суох, хата дьиэ боппуруоһа үйэ тухары улахан кыһалҕа. Былаастар онон-манан буоларга-буолбакка болҕомтону уурбакка, сис тутаах, суолталаах боппуруостарынан дьарыктаналларын ирдиибин. Норуот былааһа дииллэр дии, норуот аатыттан туруорустаҕым буоллун. Бэл, муҥур тойон Владимир Путин Посланиетыгар: “Мнение людей, наших граждан, народа как носителя суверенитета и главного источника власти должно быть определяющим”, – диэн эппитэ. Сыыһа эппэтэ ини.

***

Андрей АЛЕКСЕЕВ,

Дьокуускай куорат олохтооҕо. 

 

Обсуждение • 2

Добавить комментарий
  1. Строитель

    Сепке суруйбут, билигин сана дьиэ сыанатын, онноо5ор бюджеттан убулунэрэр Республиканскай ипотечнай компанийа, 65тыh ыынчаттан 95 тыhыынча5а тиийэ улатыннарда, государство эмиэ албыннаата. 2% ипотеканы туhанан харчы онорорго санаммыттар. Баай дьоннор мелочник буолаллар дииллэр, ол иhин Айстаа5ы банан сыаната беспокойи гынар

  2. МЭЙИИ

    Соьуйан туьэн атыыласпыт сирдэрин сыаната аны тутан дуомнаабыт дьиэлэрин орускуота тиллэн бу дьон бары уллэстэллэригэр тиийэрин курдук урдуур.Сир сыанатын суол газ уот сибээс стр. мат. ким да баардылаабат.Мэнээх ипотека кредит босхо ылар курдук татым ой санаа.Сиэмэх тойону-хотуну утуктэн барытын эс ылан баран тиэрэ хаамы дьэ жизнь удалась дии саныыллар.Сарсын туох буоларын ыйдацардар суох.Мин билэр дьонум ипотека кредит 70-сааска диэри ба5ар оссо эбии 70 сыл олоруохтара дуу.Сэргэлээххэ олоробут (эргэ дача дьиэтин оцостон) тойон хотун олорор сирэ дииллэр.Этэрбэс быттара хантан туоххунан хаьан тэцнэьэ5ин.Хайдах итинник акаары дьон торуу турара буолла?!

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»