Курс валют
$
70.97
0.2
82.68
0.22
Курс валют
Курс валют
$
70.97
0.2
82.68
0.22
Меню
Поиск по сайту

Аҕа дойду Улуу сэриитин кыттыылааҕын уонна огдооболорун эҕэрдэлээтилэр

15.04.2020 07:24 0
Аҕа дойду Улуу сэриитин кыттыылааҕын уонна огдооболорун эҕэрдэлээтилэр
Муус устар 14 күнүгэр, Улуу Кыайыы 75 Өрөгөйдөөх сылын көрсө оройуон дьаһалтатын уонна оройуон Сэбиэтин депутаттарын ааттарыттан Сунтаар улууһун Аҕа баһылыга Анатолий Григорьев, баһылыгы социальнай уонна имиджевай политикаҕа солбуйааччы Гаврил Еремеев буоланнар  Түбэй-Дьаархан нэһилиэгин Ыгыаттаҕа Аҕа дойду Улуу сэриитин кыттыылааҕын уонна огдооболорун эҕэрдэлээтилэр.

87 саастаах сэрии огдооботун Варвара Федорованы, Сиэйэ нэһилиэгэр Аҕа Дойдуну көмүскээбит уоттаах сэрии бэтэрээнин 98 саастаах Прокопий Степановы, сэрии огдооболоругар 89 саастаах Анна Илларионованы уонна 95 саастаах Наталия Петрованы өлөр өлүү уонна олох мөккүөрдэрин ыарахан кырыымчык кэмнэрин этэҥҥэ туораан биһиги былыта суох халлаан анныгар дьоллоох олохпутун түстээбиттэрин иһин, ытык кырдьаҕастарга улууспут эдэр көлүөнэ ыччатын уонна олохтоохторун ааттарыттан эҕэрдэ суруктары, Дойдубут Президенын уонна СӨ Ил Дарханын үбүлүөйүнэн мэдээллэрин, өйдөбүнньүк бэлэхтэри, аһынан-үөлүнэн уонна харчыннан итиитик-истиҥник эҕэрдэлээн барҕа махтал тыллары анаатылар.

Улуу Кыайыы 75 Өрөгөйдөөх сылын көрсө  уопсайа улуус бүдьүөтүттэн 6 мөл. 416 солк. көрүллэн, сэрии кыттыылаахтарыгар 75 тыһ., тыыл бэтэрээннэригэр 15 тыһ., сэрии огдооболоругар 15 тыһ., аҕалара сэриигэ баран суох буолбуттарга 10 тыһ., сэрии сылларын оҕолоругар 3 тыһ. харчыннан көмө олохтонно.
***
«Сунтаар улууһа (оройуона)» муниципальнай оройуон дьаһалтатын пресс-сулууспата

Оставить комментарий    

АЯМ