“Чолбон” кэнсиэригэр билиэти интернет нөҥүө атыылаһыҥ

Болҕойуҥ! Болҕойуҥ! Болҕойуҥ!

Кулун тутар 15 күнүгэр дьиҥ сахалыы ырыатынан-тойугунан бүтүн дойду үрдүнэн сахалары ааттаппыт “Чолбон” бөлөх соҕотох кэнсиэригэр ыҥырабыт!

Аан дойдуга ханна да суох музыкальнай хайысханы бастакынан саҕалаабыт, анал идэлээхтэр үрдүк сыанабылларын ылбыт “Чолбон”  музыката бүгүн да тыыннаах!

“Чолбон” бөлөх “Үс саха тылынан санаабын этиэм”  диэн кэнсиэрэ айылҕаттан айдарыылаах музыкант, талааннаах аранжировщик Александр Ильин- Чолбон Сааска 60 сааһын туоларыгар ананар.

Кэнсиэр “Сэргэлээх уоттара”  культурнай кииҥҥэ киэһэ 19.00 чаастан буолар. Кэлиҥ, сылдьыҥ, дуоһуйуҥ, номоххо киирбит “Чолбон”  тыыннаах музыкатын истиҥ-сэргээҥ!

Кэнсиэри тэрийии Үөһээ Бүлүүтээҕи дьаһалта, Үөһээ Бүлүүтээҕи культура уонна сайдыы киинэ көмөлөрүнэн буолар.
http://tesserus.com сайт нөҥүө билиэттэри атыылаһыҥ.

***

Тэрийээччилэр.