Соцконтракт олоҕу тупсарарга, сайдарга кыаҕы биэрэр

 Улууска 2 мөл. кэриҥэ суммаҕа 8 заявка көрүлүннэ. Кэтэх хаһаайыстыбаҕа аналлаах квота бүттэ.

Бүгүн көрүллүбүт заявкалар соцконтракт үлэ көрдөөһүн, тыа хаһаайыстыбата, бэйэ дьыала арыныы хайысхаларын таарыйда. Комиссия кыттыылаахтара проектаннар бары үлэлиир, сайдар баҕалаахтарын бэлиэтээтилэр, тыа хаһаайыстыбатын өттүгэр харахтара умайа сылдьар олохтоохтору сэргээтилэр.

Ол курдук, ирдэбили барытын тутуһан, бизнес-проект оҥорон Ньурба куораттан, Чаппанда, Хаҥалас, Акана, Хорула нэһилиэктэриттэн кэпсэтии этабыгар тиийэн проектарын билсиһиннэрдилэр. Куоластааһын түмүгүнэн аҕыс киһи барыта соцконтракт баттаһар буолла: спецтехника ылыы, гостиница, полиграфия өҥөлөрүн тупсарыы.

Улууска бэриллибит кэтэх хаһаайыстыбаҕа 15 квотата бүгүҥҥү бигэргэммит 5 заявканан бүттэ. Атын хас да хайысханан квоталар өссө бааллар. Холобур, бэйэ дьыалаҕа 11 квота аһаҕас. Ити туһунан социальнай харалта управлениетыттан билсиэххэ сөп. Үлэлиир, сайдар баҕалаахтарга государство биэрэр кыаҕын туһаныҥ.

***

Ньурба улууһун дьаһалтатын пресс-сулууспата