Курс валют
$
72.03
0.2
87.35
0.14
Курс валют
Курс валют
$
72.03
0.2
87.35
0.14
Меню
Поиск по сайту

Ньурба улууһун бырайыактара өрөспүүбүлүкэ түһүмэҕин аастылар

23.04.2020 08:21 0
Ньурба улууһун бырайыактара өрөспүүбүлүкэ түһүмэҕин аастылар

Бу күннэргэ 2021 сылга уонна былааннаах 2022-2023 сылларга тыа нэһилиэктэрин кэлим сайдыыларын бырайыактарын таларга СӨ биэдэмистибэлэр икки ардыларынааҕы оробуочай бөлөҕүн сүбэ мунньаҕа буолан ааста. Оробуочай бөлөҕү СӨ Бырабыыталыстыбатын Бэрэссэдээтэлин солбуйааччыта Денис Белозеров салайар. Куонкуруска Саха сирин бары улуустарыттан элбэх сайаапкалар киирбиттэрэ. Ньурба улууһуттан киирбит бырайыактар бары өрөспүүбүлүкэ түһүмэҕин аастылар.


Ньурба улууһун бырайыактара салгыы РФ Тыатын хаһаайыстыбатын министиэристибэтин таһымыгар иккис түһүмэххэ киллэриллэр буоллулар. Ол иһигэр Күндээдэ, Чуукаар, Чаппанда уонна Хорула нэһилиэктэрин кэлим сайдыыларын бырайыактара бааллар. Сиһилии билиһиннэрдэххэ, Күндээдэ кэлим сайдыытын бырайыага 3 эбийиэктээх: 176 миэстэлээх орто оскуола дьиэтин уонна спортивнай-чэбдигирдэр комплексы тутуу, оскуолаҕа ГАЗель Бизнес оптуобуһу ылыы. Чуукаар нэһилиэгин кэлим сайдыытын бырайыагар киирэллэр: 100/50 миэстэлээх Чуукаар оскуола-саадын тутуу, врачебнай амбулаторияҕа суһал көмө массыынатын ылыы. Чаппанда нэһилиэгин кэлим сайдыытын бырайыага эмиэ 2 эбийиэктээх: 100/500 миэстэлээх оскуола-саады тутуу, норуот айымньытын дьиэтигэр УАЗ микроавтобуһу ылыы. Хорула нэһилиэгин кэлим сайдыытын бырайыага 3 эбийиэктээх. Ол иһигэр 60 миэстэлээх начаалынай оскуола тутуута, “Кэскил” култуура киинигэр ГАЗель оптуобус уонна врачебнай амбулаторияҕа массыына ылыыта киирэллэр.
Ыам ыйыгар Саха сирин үрдүнэн өрөспүүбүлүкэтээҕи түһүмэҕи ааспыт элбэх бырайыактар куонкурус федеральнай түһүмэҕэр кыттыахтара. Улуус баһылыгын үпкэ, экэниэмикэҕэ, инвестицияҕа уонна бырайыактары салайыыга солбуйааччыта Николай Бурнашев эппитинэн, федераллар сүрүннээн үлэ миэстэтин уонна бүддьүөтү таһынан тардыллар источниктары учуоттуохтара. Бу эбийиэктэргэ төһө үлэ миэстэтэ тахсар уонна бүддьүөтү таһынан үп тардыллар да, соччонон баал улаатан биэрэр. Биһиги улууспут бырайыактарын бааллара үрдүк, ол эрээри билигин чопчу этэргэ өссө да эрдэ. Онон ыам ыйын бүтэһигэр тахсар РФ Тыатын хаһаайыстыбатын конкурснай хамыыһыйатын быһаарыытын күүтэбит.

***

Улуус дьаһалтатын пресс-сулууспата.

Оставить комментарий    

Россельхозбанк
АЯМ