Сорох оройуоннарынан күнүс 0,…-5° кыраадыс буолара сабаҕаланар

Бүгүн, сэтинньи 11 күнүгэр, Саха сирин үгүс оройуоннарыгар кыралаан, соҕуруулуу-арҕаа уонна соҕуруу сорох сиринэн хаар түһэрэ күүтүллэр.

Тыала орто, соҕуруулуу-арҕаа уонна Арктика кытылыгар сорох сиринэн сөкүүндэҕэ 9–14 миэтэрэҕэ диэри күүһүрүөн сөп, тибиилээх.

Салгын температурата түүн -14…-19°, халлаан былыта суох буоллаҕына -20…-25°, соҕуруулуу-арҕаа -4…-9°, хотугулуу-илин -25…-30°, Өймөкөөҥҥө -33…-38° кыраадыс тымныы. Күнүс -11…-16°, соҕуруулуу-арҕаа 0,…-5°, хотугулуу-илин -22…-27°.

Дьокуускайга түүн -17-19°, күнүс -12-14°. Кыралаан хаардыыр, тыала соҕуруулуу-илинтэн сөкүүндэҕэ 1–6 миэтэрэ түргэннээх.

***

Ааптар: Василий Прокопьев

Хаартыска: Людмила Попова