Курс валют
$
70.97
0.2
82.68
0.22
Курс валют
Курс валют
$
70.97
0.2
82.68
0.22
Меню
Поиск по сайту

Сунтаарга «Коронавирус» инфекциятын утары үлэ салҕанар

14.04.2020 09:11 0
Сунтаарга «Коронавирус» инфекциятын утары үлэ салҕанар
Муус устар 13 күнүгэр, СӨ үрдүнэн кииннэммит суһал штаб салалтатыгар улуустарынан «Коронавирус» инфекциятын утары туох үлэлэр бара туралларын сырдаттылар. 

Сүбэ мунньахха Сунтаар улууһун Аҕа баһылыга Анатолий Григорьев уонна тэрилтэлэр тутаах салайааччылара сүрүннээн обсерватор чааһыгар эбии хас үлэһит көрүллэр  боппуруоһун көтөхтүлэр уонна атын улуустартан, нэһилиэктэртэн кэлии-барыы мэктиэлэммэтин бэлиэтээтилэр.

Билиҥҥи уустук кэмҥэ
предпринимателлярга улуус Аҕа баһылыгын сорудаҕынан көмө буоларга
оробуочай бөлөх тэриллэн үлэтин саҕалаата.
Суһал штаб чилиэттэрэ хамыыһыйа тэринэн биирдиилээн маҕаһыыннарынан бэрэбиэркэ үлэтин ыытан, ирдэнэр санитарнай нормалары уонна сэрэтэр миэрэлэри тутуһууну көрүөхтэрэ. Маҕаһыын иһигэр элбэх дьон тоҕуоруһа мустубутун, эбэтэр харыстанар мааската суох атыылаһа сылдьаччылар баар буоллахтарына маҕаһыын үлэтэ тохтуур кутталлаах.
Муус устар 15 күнүттэн өрүһүнэн сырыы тохтуур, онно ГИБДД үлэһиттэрин өттүттэн миэстэтигэр кэтээн көрүү үлэтэ баар буоларын биллэрдилэр.

***

«Сунтаар улууһа (оройуона)» муниципальнай оройуон дьаһалтатын пресс-сулууспата

Оставить комментарий    

АЯМ