Оперативнай штаб чилиэттэрэ “коронавирус”-ка бэлэмнээх буолууга сүбэ мунньах ыыттылар
Мунньахха улуус Аҕа баһылыга Анатолий Григорьев уонна туһааннаах тэрилтэ салайааччылара сүрүннээн ыарыы кэмигэр сэрэхтээх буолуу уонна эминэн хааччыйыы боппуруоһун, ону таһынан кэтээн көрүүгэ обсерватория тэрийэргэ туһаайыллыбыт боппуруостары көрдүлэр.
Сунтаардааҕы Роспотребнадзор бэрэстэбиитэлэАндрей Федоров билиҥҥи туругунан Аан дойдутааҕы уопсай балаһыанньаны сырдатта. Билигин хас биирдии куораттарга уонна муниципальнай оройуон территорияларыгар дьон тас дойдуттан сынньанан кэлэллэригэр эпидемия тохтуор дылы 14 күн карантиҥҥа “коронавирус” биллэрэр анаалыстары ааһар обсерватория тэриллэрэ ирдэнэр, онно олоҕуран оперативнай штаб чилиэттэрэ биһиги улууска туһааннаах сири ханна тэрийэргэ табыгастаах буоларын бэлиэҕэ ыллылар.
Тумуу кэмигэр гигиенаны тутуһарга: маскалаах, куруук илиини сууна сылдьарга сүбэлэнэр.
***
«Сунтаар улууһа (оройуона)» муниципальнай оройуон дьаһалтатын пресс-сулууспата
Оставить комментарий