Курс валют
$
92.37
0.1
99.53
Курс валют
Курс валют
$
92.37
0.1
99.53
Меню
Поиск по сайту

Киин куораттарга балыыһаҕа көрдөрө барбыт дьон эрэй бөҕөтүн көрө сылдьаллар

15.04.2020 11:28 6
Киин куораттарга балыыһаҕа көрдөрө барбыт дьон эрэй бөҕөтүн көрө сылдьаллар

Москваҕа, Санкт-Петербурга онтон да атын киин куораттарга көрдөрө барбыт ыарахан ыарыһахтар эрэй бөҕөҕө түбэһэн сылдьаахтыыллар.

Ол туһунан биһиэхэ бэҕэһээ Москваттан Дмитрий И. эрийэн кэпсээтэ.  Кини ыараханнык ыалдьыбыт ийэтин Герцен аатынан онкологическай кииҥҥэ инньэ кулун тутар саҥатыгар илдьэн баран тардыллан сылдьар.

“Коронавирус дьаҥыттан сылтаан быраастар ыарыһахтары көрөртөн аккаастанан эрэллэр. Дьиҥинэ, биһиги, карантин быдан иннинэ кэлэн баран бүппэккэ сылдьабыт. Сып-сап көрөн-истэн испэттэр, бииртэн биир сылтах була-була атын-атын бырааска сыҕайан, нэдиэлэнэн уһатан-кэҥэтэн иһэллэр. Ол быыһыгар уоппускаҕа бараллар. Этэргэ дылы, тиллэр тиллэр, өлүөх өлөн бүппүтүн кэннэ.

Саха сирин доруобуйатын харыстабылын федеральнай квотатынан бу онкологическэй кииҥҥэ ыыппыттара, анараа [Дьокуускайга] эмтиир кыаллыбат эбит сэдэх онкологиялары. Манна муна-тэнэ сылдьар дьону кытары көрсөн кэпсэттэххэ,  бу балыыһа урут-уруккуттан наһаа бэрдэ суох эбит, дьон эрэйдэнэр ахан үһү, аны бу сытыганнаах дьаҥтан сылтаан олох да уустук буолла. Оннук сиргэ тоҕо да ыыталлара буолла диэх айылаах. Хаһан Дьокуускайга саҥа онкоцентр тутуллара буолла.

Уопсайынан, “Москва, Москва” дии-дии сахалар үөс сиргэ эмтэнэ сатыыллар даҕаны, усулуобуйадара да, сыһыаннара да биһиэннэригэр холоотоххо соччото суох эбит. Билигин харчыбыт да бүтэн эрэр, ыарыһах киһи төттөрү-таары таскайданара да ыараан иһэр. Иэдэйээри гынныбыт. Ийэбит аһынабын”, – диир.

Aartyk.Ru Саха республикатын бастайааннай бэрэстэбиитэлигэр Андрей Федотовка тахсан кэпсэтэ сырытта. Эмкэ-томко барбыт биир дойдулаахтарбытыгар күүс-көмө буолар хайаан да наада. Саха сиринээҕи доруобуйа харыстабылын министиэристибэтэ квотанан ыыппыт дьонун билсиһэрэ, хайдах-туох сылдьалларын, ханна-ханна тиийбиттэрин сураһара, сүбэ-ама буолара булгуччу ирдэнэр. Дмитрий эрэ буолбакка, атын кыһалҕалаах дьон элбэхтэрэ сэрэйиллэр.

Минздрав бэрэстэбиитэлэ, Сахапостпредство үлэһиттэрэ биир дойдулаахтарыгар көмө-тирэх буолуохтара диэн эрэниэххэ.

Aartyk.Ru бу тиэмэни салгыы кэтээн көрүө, сырдатыа.

***

Майя ДМИТРИЕВА,

Aartyk.Ru

P.S.: Элбэх саҥаны, сонуну, сураҕы, этиини билиэххитин баҕардаххытына – Aartyk.ru телеграм-каналга киирэн, суруттаран ааҕыҥ. Онно сайтка киирбэтэх матырыйааллар элбэхтэр. 

Обсуждение • 6

Добавить комментарий
  1. Пациент платный

    Кыһалҕаны мед.картель түргэнник быһаарыа.Олор туохха барытыгар киирсэр уһун илиилээхтэр оҕурук өйдөөхтөр.Манна оннук буолбатаҕын курдук.Манна харчыга да сатаан көрөн абыраабаттар.Ветеринар курдук быраастар.РБ 2 дьаабы проходной двор.Коридорга ыарыһах сыгынньах аҥаардаах тележкаҕа сытар көрдөрө мед. осмотрга араас омук дьоно тас таҥаһы тута сылдьан кабинеты кэрийэллэр.Таҥастарын гардеробка ким да хаалларбат.Охрана телефонунан чаллыргыы олорор.Регастратура дөйөн хаалбыт аҥала дьахталлар.Кирдээх кыараҕас.

    • Олохтоох

      Наьаалаатын бьлх ээ. Атын сиргэ сылдьыбатах буолан билбэккин. Маннаагылар амалар догор, кэбис.

    • Торум

      Наьаа ере барыма эрэ. Ыарыйдаххына кинилэр эрэ абырыахтара.

  2. Быраас

    Хас киһини абыраатылар маҥнай балыыһаҕа киирэн сытан көр.Эн эрэйдээҕи төһө көрөллөрүн билиллиэ.Кыыл сылдьар дьону таах ыытан дьону сутуйуу карантин кэмигэр бу эмиэ биир туспа статья.Тоҕо тутан баран штраф сыппыт аһаабыт анализ диагностика эмтэнии сутуйбут дьоннорун эмтэниитэ аҥала дьон эмтэниэхтээх харчылара барар.Ол оннугар Эн коридорга сытыаҥ.Төлөөтүннэр барытын соруйан сутуйбуттар.

  3. Ньурбаттан

    Аартыктар кытаатыҥ, сырдатан иһиҥ.

  4. Оксана

    Москва представительство наада дуо?

Оставить комментарий