Курс валют
$
76.82
0.36
89.66
0.32
Курс валют
Курс валют
$
76.82
0.36
89.66
0.32
Меню
Поиск по сайту

Амма улууһугар суукка иһигэр биэс киһиэхэ COVID-19 бигэргэннэ

24.06.2020 18:49 0
Амма улууһугар суукка иһигэр биэс киһиэхэ COVID-19 бигэргэннэ

Амма улууһун баһылыга, суһал ыстаап салайааччыта Николай Архипов иһитиннэрбитинэн, улууска эпидимиологическэй балаһыанньа уустугурар.


Амма улууһугар күн бэҕэһээ коронавирус ыарыыта бигэргэммит 11 киһи эбит буоллаҕына, биир сууккаҕа 5 киһи эбиллэн, бэс ыйын 24 күнүн туругунан ахсааммыт 16-ҕа тиийдэ. Ол курдук 7 киһи инфекционнай отделениеҕа, 9 киһи дьиэтигэр эмтэнэр, обсеваторга 9 киһи баар.


“Бу ыалдьыбыт биэс киһи барыта тастан кэлбит ыалдьыттар. 4 киһи Аммаҕа, биир Алтаҥҥа. Куттала диэн Аммаҕа ыалдьыбыт дьонтон 90 саастаах кырдьаҕас. Алтаҥҥа кыра оҕо ыарыйда. Кинилэргэ Дьокуускай куораттан аймахтара ыалдьыттыы кэлэ сылдьыбыттар. Онон көрбүппүт курдук ыарыы киириитэ барыта тастан. Бүгүн буолбут суһал ыстаап быһаарыытынан анал дьаһал тахсыа. Ол курдук бары маҕаһыыннар хайаатар да атыылаһааччылартан мааска ирдииллэрэ олохтонор. Өскөтүн бу өттүттэн биир эмэ түбэлтэ таҕыста да, маҕаһыыны биэс сууккаҕа тиийэ сабар административнай миэрэ туттуллуо. Амма кэрэ айылҕатыгар сынньана кэлиэн баҕарар бар дьоммутугар, бу күннэргэ улууска кэлэртэн туттунаргытыгар көрдөһүөм этэ. Онтон бэйэбит улууспут олохтоохторо бука диэн уопсастыбаннай сирдэргэ сылдьаргытыгар мааска кэтэн, бары ирдэбиллэри тутуһаргытыгар баҕарабын. Бары бииргэ үлэлээтэхпитинэ эрэ бу ыарыыны тохтотуохпут”, – диэн Николай Архипович санаатын тириэрдэр.

***

Ааптар: “Амма олоҕо” хаһыат

Оставить комментарий