Курс валют
Курс валют
Меню
Поиск по сайту

Таптал секстан туох уратылааҕый?

17.09.2016 03:42 0

Сахалыы «секс» диэн тылы иһиттэххэ сүөргүлүөх санаа кэлэр.

Таптал секстан туох уратылааҕый?
Сахалыы «секс» диэн тылы иһиттэххэ сүөргүлүөх санаа кэлэр. Уу сахалыы сатаан ааттаммат да, быһаарыллыбат да курдук. Кыра саастан истэ үөрэммэтэх буолан эбитэ дуу?…
«Аныгы ыччат үчүгэйдик «секс» тапталтан туох уратылааҕын билэрэ буолуо дуо?», – диэн эмиэ саарбахтааһын баар. «Тоҕо биһиги ити тыллары туора истэбит, испитигэр киллэрбэппит?», – диэн улахан ыйытык үөскүүр?! Оскуола үөрэҕин программатыгар «Дьиэ кэргэн иһигэр сөптөөх сыһыан» туһунан бу боппуруоска аналлаах, бу боппуруоһу оҕолорго сөптөөхтүк сырдатар уруоктар бааллара буоллар», – диэн элбэх
киһиэхэ баҕа санаа үөскүү сылдьыбыт буолуохтаах. Хаһан бу тиэмэ олоххо киирэрин күүппэккэ, хайдах сатанарынан, бэлэм ыстатыйалартан таҥан, туһалаах дии санаабыппытын хаһыат нөҥүө сырдатарга сананныбыт.
Билиҥҥи өйбүнэн-санаабынан олох атыҥырыы истибэппин «секс» диэн тылы. Кэргэн тахсыахпар дылы итинник тылы истибэт буолан билбэт этим. Соҕуруу үөрэнэ сылдьан, биир үтүө күн, атын омук кыргыттара бэрт дьиктитик бэчээттэммит лиистэри ааҕа- ааҕа: «Бу маннык поза баар …», – дии-дии ыйан көрдөрөллөрүн мин кэргэннээх, оҕолоох киһи, көрөн сөхпүтүм. Аттыбар олорор дьүөгэм истибититтэн-көрбүтүттэн кэлэйэн: «Пахай да, кэргэн тахсыбат эбиппин!» – диэбитэ. Сыл аҥаара буолбакка, дьылҕа хаан ыйыытынан, этэҥҥэ ыал буолан икки оҕону төрөппүтэ. Билбэккэ эрэ сиилиир хаһан баҕарар дөбөҥ. Холоонноох доҕоргун кытары таптаһарыҥ киһи баалыыр дьыалата буолбатах. Икки киһи имэҥирэн таптаһалларын, хайдах «секстыахтаахтарын» кинилэртэн ордук ким быһаарыай? Билбэппититтэн түктэри дьыала курдук көрөбүт. Онон оҕолорбут эрдэттэн эр-ойох сыһыаныгар «секс» туох оруоллааҕын билэ улааталлара инники олохторугар, дьиэ-кэргэн сыһыаныгар туһалаах буолара саарбаҕа суох.

***

ХОМПОРУУНА,
«Ис имим этэринэн» кинигэтиттэн.

Источник: old.aartyk.ru

Оставить комментарий    

!