Атыыһыт Кырбыһааҥкын туһунан спектакль туруоруохха

Өймөкөөнтөн төрүттээх аатырбыт баай, атыыһыт Кырбаһааҥкын туһунан олус туһалаах, киһини дириҥник толкуйдатар кинигэни улахан экономист ученай Василий Дарбасов –Дабаччыма суруйан таһаарбытын аахтыбыт, ырыттыбыт, сэҥээрдибит.

Автор хоту Өймөкөөн, Томпо, Халыма, Муома курдук улуустары атыыһыт Кырбаһааҥкын айаннаабыт, эргиммит ыырдарын, таас үрэхтэри,   үрдүк хайалары, айылҕаны олус кэрэтик дьүһүйбүтэ чахчы даҕаны субу айаннаан иһэр курдук көстөр.

Атыыһыт Кырбаһааҥкыны бу ыраах Өймөкөөн курдук сиртэн сылдьар атыыһыты оччотооҕу cаха сирин губернатора Крафт тус бэйэтэ ыҥыран, дьиэтигэр ыалдьыттатан, бу баай атын атыыһыттартан ураты үрдүк  таһымҥа турар өйүн-санаатын, муударайын сыаналаан сөхпүтэ да элбэҕи этэр. Оннук да буолан бу баай атыыһыт научнай экспедициялары, саха чулуу уолаттарын Кулаковскайы, Алампаны, үорэхтээһини, уопсайынан инники кэскиллээх диэн сыаналаабытын үбүлээн, көмөлөөн Меценат диэн үйэлэргэ историяҕа хаалбыт сүдү ааты ылыа дуо?

Уопсайынан, түмүккэ бу кинигэ ис хоһоонун ырытан, билиҥҥи бириэмэҕэ бэрт сэдэхтик көстөр меценат Кырбаһааҥкын туһунан киэҥ араҥаҕа, театрга спектакль оҥорон таһаарар, көрдөрөр туһалаах буолсу.

***

Анатолий уонна Диана Чомчоевтар,

 Кэҥкэмэ.