Курс валют
$
73.77
0.07
86.85
Курс валют
Курс валют
$
73.77
0.07
86.85
Меню
Поиск по сайту

Чулуу охчут Дария ФОМИНА

12.07.2021 13:23 0
Чулуу охчут Дария ФОМИНА

Быйылгы Бэрдьигэстээххэ буолан ааспыт XXI Манчаары оонньууларын түмүгүнэн элбэх саҥа ааттар эбилиннилэр. Олортон биирдэстэринэн сытыы харахтаах, иҥиирдээх илиилээх Дария Фомина буолар. Кини өрөспүүбүлүкэбит бары улуустарыттан сүүмэрдэнэн кэлбит 135 чулуу охчут дьахталларыттан бастыҥнара буолан таҕыста.

Дария Чурапчыттан төрүттээх. Д.П. Коркин аатынан спортшколаҕа үөрэнэр кэмнэригэр Павел Стасовка классическай оҕунан ытыыга дьарыктаммыт, бастакы “Дети Азии” кыттыылааҕа эбит. Оскуоланы бүтэрэн баран кэргэннэнэн, түөрт оҕону төрөтөн таптыыр дьарыгын быраҕа сылдьыбыттаах. Ол да буоллар ЧИФКИС-кэ үөрэнэн “фитнес-тренер” идэтин баһылаан билигин үөрэммит оскуолатыгар бэйэтэ тренердиир.

Дария Фомина тренерин Михаил Филатовы кытары

Биэс сыллааҕыта, XX Манчаары оонньууларын иннинэ традиционнай оҕунан ытыыга холонон көрөөрү дьарыктаммытынан барар. Ол эрэн уопута суох буолан миэстэлэспэт. Дария этэринэн, традиционнай уонна классическай ытыы улахан уратыта суох да буоллар, классическайга собуокка оҥоһуллан тахсыбыт оҕунан ытар буолан арыый дөбөҥ. Традиционнайга саха маастардара оҥорбут охторунан, оноҕосторунан ытаҕын, онон хайдах охтооххуттан, оноҕостооххуттан кыайыыны ситиһэриҥ улахан тутулуктаах диир. Фомина ытар сэбин-сэбиргэлин Мындаҕаайы маастара Павел Попов оҥорор эбит.

Фоминнар

Дария быйылгы оонньууларга төрөппүт кыыһын Валерияны көҕүлээн иккиэн кыһыҥҥыттан дьарыгыктаммыттар.

Тренердэрэ Михаил Филатов, блок оҕунан ытыыга международнай класстаах маастар. Тыын былдьаһар тыҥааһыннаах киирсии кэнниттэн ийэ Фомина бастакы миэстэ буолан «Лада-Веста» массыына хаһаайката буолар. Массыына бирииһи «Талакаан» чааһынай тэрилтэ салайааччыта Василий Николаев туруорбута, кини бэйэтэ Оҕунан ытыы Саха сиринээҕм Федерациятын президенэ.

Дария кыыһа Валерия  «Манчаарыга» бэрт түмүгү көрдөрдө – 135 киһиттэн ахсыс миэстэҕэ тигистэ.

Дария бирииһин, массыына ыытар бырааба суох буолан, Чурапчыга кэргэнэ сүүрдэн кэлбит.

Өрөспүүбүлүкэ бастыҥ ох ытааччыта: «Массыналаммычча хайаан да быраап ыларга үөрэнэн туттарыам,» — диэн этэр уонна кини бу кыайыытын уһансыбыт дьонугар-сэргэтигэр, ону сэргэ тэрийээччилэргэ, Оҕунан ытыы Федерациятын  салайааччытыгар Василий Николаевка — барыларыгар барҕа махталын тиэрдэр.

Күрэхтэһии ханнык баҕарар көрүҥүн тэнитэргэ, күүһүрдэргэ, биллэн турар, улахан бириис турара дьону өссө көҕүлүүрэ саарбаҕа суох. Онон урбаанньыттар, тэрилтэлэр кэнэҕэс да чөл олох, спорт өттүгэр бэйэлэрин кылааттарын киллэрэ турдуннар диэн баҕа санаалаахпыт. Оттон спортсменнарбытыгар  кыайыы үктэлинэн эрэллээхтик дабайан иһэллэригэр баҕарыаҕыҥ!

***
Анжелика МОТОСОВА,

Aartyk.Ru

Оставить комментарий