Курс валют
$
71.23
0.35
80.27
Курс валют
Курс валют
$
71.23
0.35
80.27
Меню
Поиск по сайту

Зоя КОРНИЛОВА: «Норуот төһөлөөх албыннатта, төһөлөөх халатта — олох өйдөммөт!»

09.06.2020 18:57 21
Зоя КОРНИЛОВА: «Норуот төһөлөөх албыннатта, төһөлөөх халатта — олох өйдөммөт!»

Биллиилээх политик, САССР, РСФСР  Үрдүкү Сэбиэттэрин, Государственнай Дума, Ил Түмэн дьокутааттарынан талыллан өр сылларга күргүөмнээхтик үлэлээбит Зоя Афанасьевна КОРНИЛОВА өссө бу саас кулун тутарга «Кыым» хаһыакка дойду Төрүт Сокуонугар уларытыы киллэрэри утаран интервью биэрэн турар.

— Арассыыйа норуота да, элиитэтэ да бу сыллар тухары үөһэттэн ыытыллар бэлиитикэни барытын буолуохтааҕын курдук ылынан, ээх хоту сөбүлэһэн, этиллибити барытын ыйыстан кэллэ. Ким да утарыласпатын, ким да туох да диэн саҥарбатын бэркэ көрө-билэ сылдьар буоллахтара. Ол иһин өрө баран иһэллэр, маннык сыһыаннаһаллар. Бу Төрүт Сокуоҥҥа уларытыылары киллэрии эмиэ оонук сынаарыйынан соҥнонно диэххэ сөп.

Итиннэ куоластааһыҥҥа кыттан, утардахха даҕаны «бачча киһи утарда», «баччай киһи өйөөтө» диэн кырдьыктаах ааҕыы буолуо диэн ким эмэ мэктиэлиэ дуо? Өссө «виртуальнай куоластааһын» диэни тэрийээри гыналлар — ол биһиги санаабытын билээри буолбатах. Дьэ, онно тахсыа буоллаҕа, саамай «көхтөөх» өйүүр куоластааһын!

Иккис ньыма — куоластыы барымыахха сөп. Бу үчүгэй суол да буоллар, араас административнай ньыманы туттан, ону «сөптөөх» суолга туһаайыахтара. Уопсайынан, бу коронавируһунан сибээстээн куоластааһыны көһөрүөхтээхтэр дии саныыбын. Бачча кутталлаах кэмҥэ, дьаҥ турар кэмигэр өссө итинник куоластааһыны тэрийэр, дьону мунньар, кинилэри кутталлаах быһыыга-майгыга түбэһиннэрэр букатын сатаммат!

Норуот барытын ылына, тук хоту сөбүлэһэ олороро сөхтөрөр. Төһөлөөх албыннатта, төһөлөөх халатта — олох өйдөммөт! Ити Сунтаар улууһун олохтоохторун суруга тарҕаммыта: » …маннык сарбыйыыга тиэрдэр буоллахтарына, биһиги Ньыгыл баартыйатыттан тахсабыт», — диэн. Дьэ, бу үчүгэй  ньыма! Бары да улуустарга маны батыһаллара буоллар, баҕар туох эмэ көдьүүс баар буолуох этэ.

От ыйын 1 күнүгэр РФ Конституциятыгар уларытыыны киллэрэргэ куоластааһын барар. Ким бу күн быыбардыыр учаастакка кыайан кэлбэт буоллаҕына, «көһө сылдьар уурунаҕа» эрдэ куоластыахтарын сөп. Ол гынан баран, саамай элбэх сүүлүктээһин ити уурунаҕа тахсар диэн быыбары кэтээн көрөөччүлэр бэлиэтииллэр.

Ил Түмэн алтыс ыҥырыылаах мунньаҕын бэрэссэдээтэлэ Петр ГОГОЛЕВ быһаас парламент мунньаҕар Төрүт Сокуоҥҥа уларытыыларга бэйэтин санаатын этэн соһутан турар. Кини уларытыылар быыстарыгар сүрдээх саарбах пууннар баалларын бэлиэтээбитэ. Ол курдук республика сирэ-уота федеральнай бас билиигэ, салалтаҕа барар кутталыттан дьааххаммыта.

ГОГОЛЕВ дьаахханыытын таайбыт курдук, «саарбах» пууннар баалларын эрдэ юрист Макар Яковлев, уруккута бастакы президеҥҥэ көмөлөһөөччүнэн үлэлээбит киһи, этэн турар. Макар Макарович парламент госстроительствоҕа кэмитиэтэ тэрийбит мунньаҕар тыл этэн турар.  Холобур, сир баайдаах улуустары — Мииринэйи, Нерюнгрины, Ньурбаны, Алданы, Ленскэйи уонна хоту улуустары эмти тутан республикаттан арааралларыгар ити уларытыы хайа талбыт кыах биэрэр диэн.

Биллэн турар, агитматериалларга былаас билигин уларытыы үчүгэй эрэ өттүн норуокка көрдөрө сатыыр. «Эр дьон уонна дьахтар эрэ ыал буолуохтаах». Буолумуна. Арассыыйа — патриархальнай судаарыстыба, гомосексуалистар ыал буолуохтааҕар «гейбин» да диэн аһаҕастык билинэр кыахтара суох.  Оннук өлөр куттал суоһаабат, общество оннуктары  ылыммат. «Силовиктар регионнарга баар салайааччыларын президент аныахтаах». Онто да суох кэлиҥҥи 20 сылга Москваттан ананан кэллилэр. «Пенсия, пособия индексацияланыахтаах» диэн. Онто да суох сылын аайы индексациялана турар. Итинник курдук бытархай, көннөрү да сокуонунан быһаарыллар кыахтаах  «уларытыылары» былаастарбыт рекламалыыллар.  Онто да суох баары, онто да суох оҥоһуллары. Арай «государствообразующай» диэҥҥэ мөккүөрү быһаараллар. Чэ, ол сах сиэтин, буоллуннар даҕаны. Оттон дьиҥнээх республика олоҕор сыһыаннааҕы тоҕо эрэ эппэттэр, дьүүллэспэттэр. Кистииллэр. Сололоохтортон соҕотох парламент спикерэ эрэ аһаҕастык эттэ. Аны ону уһулаары чиккэҥнэһии. Икки дьокутааттан ураты, алтыс мунньах 68 дьокутаата иини кэҥэтэ олорор. Ким да, тугу да саҥарбат.

***

Туйаара НУТЧИНА,

Aartyk.Ru

 

 

Обсуждение • 21

Добавить комментарий
  1. Ээ даа?

    Оттон бу эмээхсин уйэтин тухары кими барытын, тугу барытын утаран кэллэ батта?
    Сарсын арай танара илэ бэйэтинэн дьон ологун тупсара кэллэгинэ эмиэ утары ньаамыргыа дии?

    • Елена

      Зоя Афанасьевна 100 да сааhыгар красотка буолуо5а. Эн хата ньамайан хайдах буоларын биллибэт.

    • 3231

      Аата сурукэтин, биир тумус киьибитин итинник сиилиир. Кини эппитин куруутун бол5омто5о уурабын

  2. Ордос

    Былаастан туораабыт политиктар наhаа сёпкё этэр идэлээх буолбуттар. Маннык салгыы барбатын уларыйыа буолуохтаа5ын сэрэйэллэр быhыылаах норуоту кытта биир этим дэнээри. Тугу утарбытын билбэтим.

    • Елена

      Туоруон да иннинэ, туораан да баран кини куруук сепке санарар.

      • Ордос

        Гектар сокуона киириитигэр норуоту уоскутуунан дъарыктанным диэн Ил Тумэннэ отчуота ватсапка син ёр сылдъыбыта. Киhи олох итэгэйбэт ити этэригэр сёбунэн сёбу этэр эрээри то5о эрэ онто дъонугар туох да туhата суох. Билигин этэрин курдук урут принципиально холобур суверенитеты, федеративнай договоры кёмускээбитэ буоллар киhи ёйдуё этэ. Киhи кэмнээх балык ыамнаах кэмигэр ээ5и кытта сылдъыбакка утарбыта буоллар билигин утарбыта уже оруола суох.

  3. Олохтоох

    Ба5ар септеех уларыйыылар буолуо эрээри, тыа сирэ наьаа эьиннэ, барыта сабылынна, сирбит баайын халаан сиэн бутэрдилэр, арыыйда тахсыахтаах сайыннарыахтаах олохтоох уолаттарбытын араас матыыбынан былаастан туораттылар. Куоластыах иннинэ учугэйдик толкуйданыахтаах, быыьыгар септеех этиилэр баар курдуктар буолан баран, ис дьинэ хайда5а буолла.

  4. Дьулуур

    Зоя Афанасьевна саамай сепке этэр. Урут да, билигин да санаатын этэн баран тэйээччи, ол иьин кинини аьагас быыбарга норуот талар этэ, ол иьин кинини урдук тойоттор себюлээбэт этилэр, туората сатыыллара элбэх буолааччы. Дьэ, билигин кини курдук ейдеех, эр санаалаах салайааччылаахпыт буоллар, дьоллоох норуот буолуо этибит!!

  5. Сиэрэй маасса

    Хаһан эрэ «Ил Түмэҥҥэ соҕотох эр киһи баар. Ол — Ульяна Винокурова» диэбиттээхтэрэ. Билигин биир даҕаны төрөөбүт дойдутун, өрөспүүбүлүкэтин туһугар ис сүрэҕиттэн ыалдьар эр киһи хаалбатах быһыылаах. Этэргэ дылы, «аттакылар дэриэбинэлэригэр» кубулуйбут. Арай спикер утарбыта дииллэр да, куоластыыр саҕана туттуммута үһү. Ол түмүгэр билигин Күөгэлэби туллаҥнатан, хайдах атаарар туһунан толкуйдаан эрдэхтэрэ диэн сэрэйэбит этэ.

  6. Инородец

    Уларытыыны барыбыт утарыахтаахпыт. Былаас партиятын дьоно биллэн турар үүрүллэн тахсан уларытыыны сөпсөһөргө куоластыыллара саарбахтаммат. Сиргэ олорбот, Ыйтан ваахтаннан кэлэн үлэлии сылдьар дьон курдуктар.

  7. ЮжЯк

    Сир сибиир атыыламмыта ыраатта.ШВА БЕА барытын фед.гыммыттарын хайдах билбэтэҕэ буолаллар.ТОР кэлэн барытын тоҕу көттө.Район.север.коэфф. надбавка стаж сотуллубута.Билигин аҥала табалар олорон биэрэн пособия барыта пенсия хамнас кэмэйэ мрот масков.обл.курдук.Баһаар умуруорбаттар фед.сир диэн.Сир аһа балык булт бобулунна.Масква кэлэн умуруорарын күүтэллэр.Быыбары Нерюнгри эрэ оройуона утарар сууттаһар.Атыттар кыһалҕа суох арыгы ыһыах эрэ.

  8. Елена

    Бииртэн эрэ куттаналлар. Неявкаттан. Атыны наадыйбаттар.

  9. 4132

    Уларытыылары утарыахха наада. Саамай сеп.

  10. КОСМО

    Зоя Корнилова депутат быhыытынан Сэбиэскэй Союз ыhылларыгар илии көтөхпүтэ. Либераллар былаастарын Төрүт Сокуоңңа бигэргэппитэ. Уонна кэлэн саңа Конституция норуот туhугар оңоhулларын утарымына.

  11. О5онньор

    Сиэрдээхтэр Россия ойоото,онон кини чилиэттэрэ эмиэ, эбэтэр Сиэрдээх Россия баартыйа сирэйин саралыы тартын, оол гынан баран Тумуhап баартыйатын киhитин миэстэтин булларара буолуо.

  12. Есения

    Зоя Афанасьевна курдук уhyлуччу ейдеех, суобастаах киhи былааска баара буоллар Сахабыт сирин олохтоохторо кемускэллээх буолуо этилэр

  13. Барбарис

    Олох сепке этэр.зоя корнилова маладьыас.кини этэрин ейуеххе наада

  14. Дария

    Суобаьын туьунан билбэппин. Коммунистарын тацнаран, буржуйдар былаастарын ойообутэ. Билигин кэлэн атыны туойар. Бааьынай…

  15. Нутчина

    Ничего страшного, каждый имеет своё мнение.
    Главное в поправках, это приоритет Конституции РФ над международными судами и институтами при разногласиях не в пользу российских законов.
    Хватит издевательств над россиянами!

  16. 6663

    Аны уларытыыны ойуэххэ диир ди

  17. Кугдаров

    Октябрьскай растрелга сылдьыбыт хорсун дьахтар этиитин өйүөххэ наада.

Оставить комментарий